د کابل پولي تخنیک پوهنتون کارمندانو ته د ظرفیت لوړونې روزنیز ورکشاپ څخه د فراغت سندونو د ویش مراسم جوړ شول

مراسم د قرانکریم د مبارکو آیاتو په تلاوت سره پیل شول.
په دې مراسمو کې د کابل پولي تخنیک پوهنتون مشرتابه، د لوړو زده کړو وزارت د بشري سرچینو رئیس مولوي سلطان محمد محسن او کارمندانو ګډون کړی و.
لومړی د لوړو زده کړو وزارت د بشري سرچینو رئیس ښاغلي مولوي سلطان محمد محسن د یاد پروګرام څخه د کارمندانو د فراغت له امله مبارکي وویله او له دوی څخه یې وغوښتل چې هغه څه چې په دغه ښوونیز ورکشاپ کې یې زده کړي دي په خپلو اداري کارونو کې پلي کړي، تر څو په ښه توګه وکولی شي خپلو خلکو او هیواد ته خدمت وکړي.
نوموړي د خپلو خبرو په دوام کې د کارکوونکو لپاره د دا ډول روزنیزو پروګرامونو د ترسره کیدو هرکلی وکړ، د غونډې د ګډونوالو وړاندیزونه او نظریات یې واورېدل او د هر اړخیزې همکارۍ ژمنه یې وکړه.
ورپسې د کابل پولي تخنیک پوهنتون د بشري سرچینو آمر ښاغلي مولوي رشید احمد حقاني د لوړو زده کړو وزارت له مشرتابه څخه د دغه پوهنتون د کارمندانو لپاره د یاد ورکشاپ د جوړیدو له امله مننه او قدردانی وکړ او دوی د کارمندانو د کاري ظرفیت د لوړولو لپاره د داسې پروګرامونو ترسره کول مهم او ارزښتناک وبلل.
د یادونې وړ ده، چې په دې ورکشاپ کې ۳۲ تنو کارمندانو ته روزنه ورکړل شوه.
غونډه فارغانو ته د سندونو په ویشلو او د دعایې په ویلو سره پای ته ورسیده.