د یونیسف ادارې د اوبو نظافت او حفظ الصحې برخې مسئول شیوانارین سینګ د کابل پولي تخنیک پوهنتون له مشرتابه سره وکتل
د یادې لیدنې په پیل کې د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال د کابل پولي تخنیک پوهنتون ته د یونیسف ادارې د اوبو نظافت او حفظ الصحې څانګې مسؤل شیوانارین سینګ د راتګ هرکلی وکړ او ورسره څنګ کې یې د یاد پلاوي راتګ مهم یاد کړ.
ښاغلي اقبال د اوبو نړیوال کنفرانس د جوړېدو په هکله له یاد پلاوي سره هر اړخیز معلومات شریک کړل.
ورپسې د یونیسف ادارې د اوبو نظافت او حفظ الصحې څانګې مسؤل ښاغلي شیوانارین سینګ په یاده لیدنه خوښي څرګنده کړه او ژمنه یې وکړه چې د اوبو نړیوال کنفرانس په برخه کې به هر راز همکاري کوي.
نوموړي وویل: د اوبو نړیوال کنفرانس د تنظیمولو په برخه کې به د امکان تر حده مالي مرسته، د اوبو په برخه کې د بهرنیو پوهنتونونو د همکارۍ راجلبولو او د کابل پولي تخنیک پوهنتون او نورو ادارو تر منځ د اړیکو ټینګولو د یونیسف او نورو اړوندو ادارو د تجربو شریکولو په برخه کې به هر اړخیزې همکارۍ کوي.
ښاغلي سنګ زیاته کړه له دې وروسته به د اوبو نړیوال کنفرانس اړوند راتلونکو ناستو کې د پولي تخنیک پوهنتون له رهبرۍ سره ګډې ناستې کوي.
د یادونې وړ ده، چې د اوبو نړیوال کنفرانس به په نږدې راتلونکې کې په کابل پولي تخنیک پوهنتون کې دایر شي.
