په کابل پولي تخنیک پوهنتون کې د کمپیوټر ساینس پوهنځي استادانو د سایبر رسنیو خوندیتوب په اړه سیمینار وړاندې کړ
یاد سیمینار د قرانکریم د مبارکو آیاتو په تلاوت سره پیل شو.
لومړی د کابل پولي تخنیک پوهنتون د کمپیوټر ساینس پوهنځي استاد احمد سیر عمرزي محصلینو او استادانو ته د ښه راغلاست وینا تر څنګ د یاد سیمینار په اړه په تفصیل سره خبرې وکړې.
ورپسې ښاغلي رومان نوري، د سایبر دفاعي معلوماتو مسول د ټولنیزو رسنیو د ادرسونو د هک کولو او د مخنیوي څرنګوالي په اړه په مفصل ډول خپل ترتیب کړی پریزنټیشن وړاندې کړ.
د يادونې وړ ده، چې په ياد سيمينار کې د کمپيوټر ساينس پوهنځي استادانو، محصلينو او د پوهنتون یو شمیر کارمندانو برخه اخيستې وه.
