د برنامو د بیا کتنې او نظارت دوریې کلني راپور په اړه سیمینار وړاندې شو
غونډه د قرآنکریم د مبارکو آیاتونو په تلاوت سره پیل شوه.
لومړی د کابل پولي تخنیک پوهنتون د تضمین کیفیت آمر ښاغلي پوهنیار ذبیح الله حیدري د استادانو او کارمندانو حضور ته ښه راغلاست وویل او د یاد سیمینار د اهمیت په اړه یې په تفصیل سره خبرې وکړې.
ښاغلي حیدري وویل چې د دا ډول پروګرامونو په دایرولو سره د کارکوونکو کاري ظرفیت لوړیږې او د راپورونو په چمتو کولو کې د غلطیو مخه نیسي.
د یاد سیمینارچمتو شوي موضوعات د پوهاند محمد انور سراج او پوهاند دوکتور امان الله فقیري له خوا وړاندې شول او د سیمینار په جریان کې د یادو موضوعاتو په اړه بحث او د نظرونو تبادله وشوه.
