کورني بې ځایه شویو کورنیو ته د کابل پولی تخنیک پوهنتون د پالندویانو د ټیم مرستې:
د کابل پوليتخنیک پوهنتون د پالندویانو ټیم د هغو کورني بې ځایه شویو کورنیو ته چې د کابل د شهر نو په پارک کې میشت شوي دي مرستې ورسولې.
دا مرستې د ۱۴۰۰ هجري لمریز کال د زمری د میاشتې په شلمه نیټه د یادو پالندویانو له خوا ټولې شوې وې چې هغه مهال یي د کابل پوليتخنیک پوهنتون استاذانو،کارکونکو او زده کړیالانو تود هر کلي وکړ.
په دې مرستو کې کالي، سیله وریجې، لوبیا، نخود، بوره، چای، د کالیو وینځلو پوډر او اوبلن ګاز شامل وه چې په شفافه توګه اړمنو کورنیو ته وویشل شول.
د کابل پوليتخنیک پوهنتون رهبري د پالندویانو له ټیم، استاذانو، کارکونکو او زده کړیالانو څخه چې په دې برخه کې یې ډیر زیار ایستلای او مرسته یې کړې ده مننه کوي.