په کابل پولي تخنیک پوهنتون کې د الومنی ( فارغ شوی محصل) په اړه سیمینار ترسره شو.
د کابل پولي تخنیک پوهنتون د محصلانو د خدماتو د انسجام آمریت له خوا د الومنی (فارغ شوی محصل) او د پوهنتون د ودې او پرمختګ کې د هغوی رول» تر عنوان لاندې د آګاهۍ ورکولو یو علمي سیمینار ترسره شو.
په دغه سیمینار کې نامزد پوهنیار اقبال سلطاني د فارغ التحصیلانو (فارغانو) په اړه خبرې وکړې او توضیح یې ورکړه چې څنګه فارغان کولای شي له فراغت وروسته هم له پوهنتون سره اړیکه وساتي، او په بېلابېلو برخو لکه علمي همکاریو، مشورې ورکولو، محصلانو ته د کاري فرصتونو برابرولو او د تعلیمي پروګرامونو ملاتړ کې مهم رول ولوبوي.
د دې سیمینار هدف د محصلانو د پوهې لوړول وو تر څو د الومنی (فارغانو) رول او اهمیت وپېژني او وهڅول شي چې له فراغت وروسته له پوهنتون سره خپله اړیکه وساتي.
سیمینار د محصلانو د پوښتنو په ځواب ویلو او دعايې په سره سره پای ته ورسېد.
