په کابل پولي تخنیک پوهنتون کې د پلان جوړونې او راپور لیکلو روزنیز ورکشاپ فارغانو ته د سندونو د ویش مراسم ترسره شول.
مراسم د قرآنکریم د مبارکو آیاتونو په تلاوت سره پیل شول.
د کابل پولي تخنیک پوهنتون د نویو ګمارل شویو کارمندانو لپاره د لوړو زده کړو وزارت د بشري سرچینو ریاست د ظرفیت لوړولو آمریت له خوا د پلان جوړونې او راپور لیکلو روزنیز ورکشاپ د دغه پوهنتون کارمندانو ته ترسره شو.
یاد ورکشاف چې ۱۹ تنه کارمندانو په کې برخه اخیستې و، 4 ورځې دوام وکړ او په بریالیتوب سره پای ته ورسید.
د کابل پولي تخنیک پوهنتون علمي مرستیال ښاغلي پوهنوال دیپلوم انجنیر عبدالرشید اقبال د لوړو زده کړو وزارت د بشري سرچینو ریاست او د کابل پولي تخنیک پوهنتون د اړوندو مسوولینو څخه مننه او قدرداني وکړ او یاد ورکشاپ یې د نویو ګمارل شویو کارمندانو د ظرفیت د لوړولو لپاره یوه اړتیا وګڼله او د کاري چارو د ښه والي په موخه یې د ظرفیت لوړونې د ورکشاپونو جوړول مهم او ارزښتناک وګڼل.
مراسم فارغانو ته د سندونو په ویشلو او د دعایې په ویلو سره پای ته ورسیدل.
