په کابل پولي تخنیک پوهنتون کې د ساختماني پوهنځي درېیم علمي او میتودیکي کنفرانس تر سره شو. 28/12/1401ـــ26/8/1444
کنفرانس د قرانکریم د څو مبارکو آیاتونو په تلاوت سره پيل شو.
لومړی کنفرانس د ساختماني پوهنځي رئیس ښاغلي پوهاند دوکتورامان الله فقیري په خپلو خبرو را پیل کړ.
نوموړي د خپلو خبرو ترڅنګ د کابل پولي تخنیک پوهنتون د رئیس ښاغلي پوهنوال دیپلوم انجنیرعبدالرشیداقبال او علمي معاون ښاغلي انجنیر روح الله روحاني پیغام هم د کنفرانس ګدونوالوته وویل.
په یاد کنفرانس کې د ساختماني پوهنځي استادانو له خوا 68 مقالې په دوو ورځو کې وړاندې کړې، چې په لومړۍ برخه کې د صنعتي او مدني ودانیو، د ودانیوجوړولو انجنیري او د اسلامي ثقافت څانګوخپلې مقالي وړاندي کړې او په دوهمه برخه کې د مهندسي، ښاري پلان جوړونې، د ترسیمي هندسي او رسم تخنیک څانګو استادانو خپلې مقالې وړاندې کړې.
د یادولو وړ ده چې د مقالو کیفیت او محتوا ته په پام سره د 38 علمي او څیړنیزي، 18یې علمي- میتودیکي او 12 کنفرانسي مقالې تائید او وارزول شوې
کنفرانس د دعایې په ویلو سره پای ته ورسید.
