په کابل پولي تخنیک پوهنتون کي د خوست او پکتیکا ولایتونو کي د وروستیو زلزلو لاملونه، استونزې او مخنیوي لاری چاري تر عنوان لاندي سیمینار جوړ شو
سمینار د قرآنکریم د مبارکو آیاتونو په تلاوت سره پیل شوه.
په دې سیمینار کې د لوړو زده کړو وزارت علمي معین ښاغلي دوکتور لطف الله خیرخواه، د لوړو زده کړو وزارت سکتوري
رئیسانو، د خصوصي پوهنتونونو یو شمیر رئیسانو، د کابل پولي تخنیک پوهنتون د رهبري هیئت غړو، استادانو او
محصلینو ګډون درلود. لومړی د لوړو زده کړو وزارت علمي معین ښاغلي دوکتور لطف الله خیرخواه د دا ډول سیمنیارونو
دائیرول یو مهم گام وباله او وسره څنګ کې یې د کابل پولي تخنیک پوهنتون له استادانو مننه وکړه چې په خوست او
پکتیکا ولایتونو کې یې د تیرې زلزلې د بررسي په موخه یادو ولایتونو ته سفر کړی وه.
نوموړی ژمنه وکړه چې د دي پیښې د لا زیاتو څیړلو لپاره به استادانو او تخنیکي ټیمونو ته زمینه
برابروي چې خپلي نیمګړې څیړنې بشپړه کړي.
ورپسې خوست او پکتیکا ولایتونو ته له کابل پولي تخنیک پوهنتون څخه تللیو استادانو ښاغلي پوهاند دوکتور امیرمحمد موسی زي، دوکتور حمید الله واعظی او پوهنیار حزب الله معیني د ورستیو زلزلو د ستونزو، اغیزو او لاملونو اړوند خپلې څیړنې او د هغوی پایلې یې د غونډې له ګدونوالو سره شریکې کړې.
همدارنګه د موادو او ودانیو د مقاومت په برخه کې متخصص ښاغلي امین محمود د یادې زلزلې په اړه خپل پریزنټیشن وړاندې کړ او د ودانیو په جوړولو کې د معیاري موادو پر کارولو یې ټینګار او یادونه وکړه.
همدا راز يو شمېر استادانو او د غونډې ګدونوالو د يادې شوې زلزلې په اړه خپل نظرونه او پوښتنې له یادو استادانو سره مطرح کړې.
یاد سیمینار د دعایې په ویلو سره پای ته ورسید.