د کابل پولی تخنیک پوهنتون لپاره د لوړو زده کړو وزارت ځانګړی استازی ښاغلی انجنیر زیارمل خطاب د نوموړي پوهنتون کارکونکو ته ور و پیژندل شو:
د کابل پولی تخنیک پوهنتون لپاره د لوړو زده کړو وزارت ځانګړی استازی ښاغلی انجنیر زیارمل خطاب د یوې عونډې په ترځ کې د نوموړي پوهنتون کارکونکو ته ور و پیژندل شو.
په دې غونډه کې د کابل پولی تخینک پوهنتون عمومی رئیس ښاغلۑ پوهنوال ډیپلوم انجنیر عبدالرشید اقبال، علمی مرستیال ښاغلۑ پوهنوال ډیپلوم انجنیر محمدنسیم نسیمی، مالۑ او ادارۑ مرستیال ښاغلۑ خواجه محمدانور نوري د پوهنځیو رئیسانو، استاذانو، کارکونکو او د اسلامي امارت د لوړو زده کړو کمیسیون یوشمیر غړو ګډون کړی وو
غونډه د کلام الله مجید د مبارکو آیتونو په تلاوت سره پیل شوه. لومړی د کابل پولیتخینک پوهنتون عمومی رئیس ښاغلۑ پوهنوال ډیپلوم انجنیر عبدالرشید اقبال ټولو حاضرینو او د لوړو زدهکړو وزارت ځانګړي استازي ته ښه راغلاست وویل او ښاغلی انجنیر زیارمل خطاب یې حاضرینو ته ور وپیژانده او نوموړي ته یې د کابل پوليتخنیک پوهنتون په علمي او اداري چارو کې د همغږۍ او همکارۍ د بریا هیله وکړه.
وروسته ښاغلي انجنیر زیارمل خطاب د افغانستان ټول ولس ته د اسلامي امارت د بریا مبارکي وویله او د اسلامی امارت په ځانګړتیاوی یې د نظم او امنیت ساتلو، د دفترونو د تجهیزاتو ساتلو، د مادي او معنوي شتمنیو ساتلو په برخه کې د غونډې ګډونوالو ته لنډ مالومات ورکړل او د لوړو زده کړو وزارت برنامې یې تشریح ګړې.
ښاغلي خطاب د نړۍ له معتبرو هیوادونو نه د ماسټرۍ او دوکتورا د بورسونو ترلاسه کولو، ساینسي څیړنو ته پاملرنه، د زدهکړیالانو لپاره د خوندي محیط رامنځ ته کولو، د استاذانو دظرفیت لوړولو د زدهکړیالانو د روزنې لپاره بهرني استادانو ته د بلنی ورکولو، د تعلیمی نصاب نوي کولو او نوښت، د تحصیلي سیسټم معیاري کولو، له بهرنیو هیوادونو څخه د ساینسي او علمي مرستو راجلبولو، د اسلامي امارت د مجاهدینو او د شهیدانو د ورثې لپاره دتعلیمي او تحصیلي چاپیریال رامنځ ته کولو په اړه هم د غونډې ګډونوالو ته خبری وکړې.
یاده غونډه د لوړو زده کړو د کمیسیون غړی ښاغلي داکتر عبدالمتین مزمل د دعا یی په لوستلو سره پای ته ورسېده
