د کابل پولي تخنیک پوهنتون په مالي او اداري معاونیت کې اداري غونډه ترسره شوه

غونډه د قرآنکریم د مبارکو آیاتو په تلاوت سره پیل شوه.
یاده غونډه د کابل پولي تخنیک پوهنتون د مالي او اداري مرستیال ښاغلي مولوي محمد یاسین حقاني په مشرۍ د مالي او اداري معاونیت په دفتر کې جوړه شوه، چې د اداري څانګو آمرینو په کې ګډون درلود.
ښاغلي حقانی په خپلو پیلیزو خبرو کې زیاته کړه ټول مسولین باید ورسپارل شوي مسولیتونه په پوره صداقت، مینه او ورورولۍ ترسره کړي، نوموړي وویل هماهنګي، د یو بل احترام او سلسله مراتب د دندو کامیابي تضمینوي.
په ياده شوې غونډه کې د اجنډا مطابق په لاندې موضوعاتو: د کارمندانو د حاضري، د حاضري او معاشونو راپور، د کارمندانو، کارکوونکو او خدمتي بستونو د تشکیل، د قراردادونو د نرخونو او د توکو د تدارکاتي طرزالعمل، د تیل تانګ جوړونې په اړه لازمي پریکړې او د نظرونو تبادله وشوه.
همدا رنګه په دې غونډه کې چې د ادارو د کاري بهیر د ښه والي په موخه جوړه شوې وه، د ورځنیو چارو د لا ښه تطبیق په موخه د اړوند آمریتونو د آمرینو نظرونه او وړاندیزونه پکې مطرح او وړاندې شول. په اخیر کې د مالي او اداري ښاغلي مولوی محمد یاسین حقاني ټولو آمرینو ته د کارونو د لا ښه والي په موخه لازمې لارښوونې وکړې.
غونډه د دعایې په ویلو سره پای ته ورسیده.