د کابل پولي تخنیک پوهنتون لخوا د انکشاف ملي شرکت ته ۸۲ تنه له زده کړو فارغ انجینران د عملي کار په موخه معرفي شول.
په یاده معرفت غونډه کې د کابل پولي تخنیک پوهنتون د رهبري غړو، محصلینو او فارغ انجینرانو ګدون درلود.
په لومړي سرکې د محصلانو چارو معاون مرستیال حافظ انجینر عنایت الله رحیمي برخوالو ته ښه راغلاست وویل او زیاته يې کړه چې پولي تخنیک پوهنتون هر وخت دې ته ژمن دی چې ټولو محصلینو او فارغ انجینرانو ته د عملي زده کړو زمینه برابره کړي.
نوموړي له ټولو انجینرانو غوښتنه وکړه، چې کله هم یوې ادارې ته معرفي کیږی، نو له هر څه وړاندې د خپل پوهنتون نوم روښانه وساتئ ځکه دوی د همدې پوهنتون نمایندګې کوي او دا مهمه ده تر څو د خپلو فعالیتونو ترڅنګ د یاد پوهنتون اهداف هم په نظر کې ونیسي.
وروپسې د محصلانو د انسجام او همغږۍ آمر سید عین الله هاشمي فارغ انجینرانو ته د برنامي په اړه بشپړ معلومات وړاندې کړل.
د یادونې وړ ده چې یاده برنامه د کابل پولي تخنیک پوهنتون د محصلانو چارو معاونیت او د انکشاف ملي شرکت په همغږۍ جوړه شوې وه.
