د کابل پولي تخنیک پوهنتون د پوهنځیو ترمنځ د باسکټ بال سیالۍ پیل شوې
د کابل پولي تخنیک پوهنتون د سپورت آمریت له خوا د شپږو پوهنځیو ترمنځ د باسکټ بال سیالۍ پیل شوې.
یاد مراسم د قرانکریم د مبارکو آیتونو په تلاوت سره پیل شول.
لومړی د کابل پولي تخنیک پوهنتون عمومي ریس ښاغلي عبدالرشید اقبال د ټولنې ترمنځ د تفاهم او دوستۍ د پیاوړتیا په برخه کې د سپورت په ارزښت خبرې وکړې او روحي روغتیا یې له ورزش سره تړلې وبلله او ورزشکارانو ته یې له لوی ربج څخه د بریا هیله وښوده.
ورپسې د کابل پولي تخنیک پوهنتون د بشري منابع آمر قاضي محمد انس د خبرو پر مهال سپورټ د انسان د بدن او ذهن لپاره اغېزمن وباله، د روغتیا او هوساینې لپاره یې د سپورت په ګټو خبرې وکړې او ورزشکارانو ته یې دښو سیالیو هیله څرګنده کړه.
پاته دې نه وﻱ چې په همدې پرتمینو مراسیمو کې د یاد پوهنتون علمي مرستیال ښاغلي پوهنوال محمد نسیم نسیمي د پوهنځیو ریسانو ، اداري مامورینو ، محصیلینو او دسپورت مینوالو ګډون درلود.
