د کابل پولي تخنیک پوهنتون د معلوماتي ټکنالوجي په لوېدیځه څنده کې تفریحې پارک جوړ شو.
یاد پارک د کابل پولي تخنیک پوهنتون لپاره د لوړو زده کړو وزارت ځانګړي استازي مالي او اداري مرستیال ښاغلي انجنیر زیارمل خطاب په خاصه پاملرنه او د ساتنې او مراقبت آمریت په هلو ځلو د دغه پوهنتون د معلوماتي ټکنالوجی بلاک ته نیژدې جوړ شو،
چې مخکې تر دې یاده ساحه د یو ځنګل په شکل د غیر میوه لرونکو وچو ونو په وسیله پوښل شوې وه.
پاته دي نه وي چې یادې ونې د پوهنتون د حفظ او مراقبت آمریت له خوا په ډیرو کمو امکاناتو له منځه یوړل شوې او ریبل شوي ونې، اضافي بوټې د پوهنتون لویدیځې برخې ته یوړل شول او یاده ساحه ورڅخه پاکه شوه.
د یادونې وړ ده، چې د پوهنتون د ساتنې او مراقبت آمریت کاري ټیم په نه ستړي کېدونکو هلو ځلو سره یاده سمیه په یو تفریحې پارک بدله کره. د یاد پارک د لا ښکلا لپاره یې په یاده ساحه کې ګلان، ونې او چمنونه وکرل او د پارک ښکلا یې نوره هم زیاته کړه.
