د کابل پولي تخنیک پوهنتون د مالي کمېټې غونډه ترسره شوه
غونډه د قرآنکریم د مبارکو آیاتونو په تلاوت سره پیل شوه.
لومړی د مالي او اداري چارو مرستیال او د کابل پولي تخنیک پوهنتون د مالي کمیټې مسول ښاغلي انجینر ذاکرالله ذاکري د کمیټې غړو ته د ښه راغلاست وینا وکړه.
ورپسې د 1402 لمریز کال د لومړۍ او دوهمې ربعې د عوایدو د راټولولو او مصرف او لګښتونو په اړه د مالې او حسابي آمریت راپور او همدارنګه د پوهنتون د اجناسو او ساختماني پروژو د تدارکاتي پړاوونو په اړه د تهیه او تدارکاتو آمریت راپورونه وړاندې شول.
د يادونې وړ ده، چې په دې غونډه کې د 1403 مالي کال د عادي او پراختيايي بوديجې د وړاندوينې او په بېلابېلو موضوعاتو بحث او د نظرونو تبادله وشوه.
غونده د دعایې په ویلو سره پای ته ورسیده.
