د کابل پولي تخنیک پوهنتون د ساختماني پوهنځي د ودانیو جوړولو مدیریت څانګې محصلینو د خپلو دیپلوم پروژو څخه دفاع وکړه.
دفاع غونډه د قرآن کریم د څو مبارکو آیاتونو په تلاوت سره پیل شوه.
په دې غونډه کې د کابل پولي تخنیک پوهنتون رهبري هیئت، استادانو، د سکتوري ادارو استازو، محصلینو او مېلمنو ګډون درلود.
د لیسانس په کچه د دیپلوم پروژو دفاع د محصلینو په تعلیمي ډګر کې یو مهم ګام دی، تر څو د لیسانس دورې علمي او عملي وړتیاوې په یو مسلکي چوکاټ کې وښیي او سند تر لاسه کړي.
له همدې امله، د طرزالعمل او اصولو سره سم، د کابل پولي تخنیک پوهنتون د ساختماني پوهنځي د ودانیو جوړولو مدیریت څانګې محصلینو خپلې پروژې په بریالیتوب سره دفاع کړې.
د محصلینو له خوا د پروژو وړاندې کولو څخه وروسته د ژورې هیئت او استادانو له خوا یادې پروژې و ارزول شوې او بریالي محصلین د لیسانس په لقب فارغ التحصیل ونومول شول.
د یادونې وړ ده چې د یادي څانګې څخه 35 تنه محصلین بریالي او ټولنې ته د خدمت په موخه وړاندې شول.
