د کابل پولي تخنیک پوهنتون د ساختماني پوهنځي د ماسټرۍ برنامې د تیزسونو د دفاع مراسم ترسره شول
مراسم د قرآنکریم د مبارکو آیاتونو په تلاوت سره پیل شول.
لومړی د کابل پولي تخنیک پوهنتون د ساختماني انجینري پوهنځي رئیس ښاغلي پوهاند امان الله فقیري فارغانو ته د مبارکۍ ویلو ترڅنګ د ښه راغلاست وینا وکړه او د یادې برنامې له فارغانو یې وغوښتل چې په اسلامي او ملي روحیه خپل هیواد ته په صادقانه توګه خدمت وکړي.
د يادونې وړ ده، چې د دغه پوهنځي د ماسټرۍ پروګرامونو د تحصيلي دفاع مراسم به دوه ورځې دوام وکړي او په ترڅ کې به يې ۲۵ تنو فارغین له خپلو پروژو دفاع وکړي، چې د ارزونې کمېټې له تاييد وروسته د سندونو په ورکولو سره به ټولنې ته د خدمت په موخه وړاندې شي.
