د کابل پولي تخنیک پوهنتون د الکترو میخانیک پوهنځي د فزیک څانګې لابراتوار گټې اخستنې ته ورسپارل شو
مراسم د قرآنکریم د مبارکو آیتونو په تلاوت سره پیل شول.
د کابل پولي تخنیک پوهنتون د الکترو میخانیک پوهنځی د فزیک څانګې لابراتوار خونې د یاد پوهنتون د رهبري هئیت له خوا د پټی په پریکولو سره پرانستل شول .
لولومړی د کابل پولی تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال د ښه راغلاست تر څنګ د پیل وینا وکړه.
نوموړي د الکترو میخانیک پوهنځي د لابراتوارونو پرانستل د ټول پوهنتون لپاره لویه لاسته راوړنه وبلله او په دې برخه کې د ټولو مسولینو کړنې یې وستایلې.
ورپسې د یادې څانګې یو تن استاد دوکتور محمد انور شمس د الکترومیخانیک پوهنځي د لابراتوار څانګي د تاریخ او فعالیتونو اړوند مفصلي خبري و کړې او د استادانو په نماینده ګي یې ژمنه وکړه چې، لا به هم نه ستړي کیدونکې هلي ځلې کوو.
همدارنګه د کابل پولي تخنیک پوهنتون مالي او اداري سرپرست مرستیال ښاغلي انجنیر سید مصباح الدین هاشمي د محصلینو د عملي کار لپاره د لابراتوارونو جوړیدل یو غوره ګام وباله او دالکترو میخانیک پوهنځي د تولو مسولینو د فعالیتونو څخه یې مننه وګړه.
یاد مراسم استادانو او کارمندانو ته د ستاینلیکونو په ورکولو سره پای ته و رسیدل.
