د کابل پولي تخنیک پوهنتون د استوګنیزو اپارتمانونو د ویش کمیسیون غونډه تر سره شوه
غونډه د قرانکریم د مبارکو آیاتونو په تلاوت سره پیل شوه.
په دې غونډه کې چې د کابل پولي تخنیک پوهنتون د مالي او اداري چارو مرستیال مولوي محمد یاسین حقاني په مشرۍ جوړه شوې وه، د پوهنځيو رئیسانو او د یادې کمېټې غړو ګډون درلود.
لومړی د مالي او اداري چارو مرستیال او د استوګنیزو اپارتمانونو د وېش کمېسیون رئیس مولوي محمد یاسین حقاني د استوګنې د اپارتمانونو د وېش کمېسیون غړو ته د ښه راغلاست وینا تر څنګ د دې کمېسيون د لایحه وظایفو، اصولو، قوانینو او فعالیتونو په هکله هر اړخیز معلومات وړاندې کړل.
ورپسې د کابل پولي تخنیک پوهنتون د حفظ او مراقبت آمر انجنیر اسدالله عمر د یاد شوي اپارتمانونو د تعداد، تقسیم بندي او اړوند موضوعاتو د څرنګوالي په اړه یاد کمیسیون ته هر اړخیز معلومات وړاندې کړل.
د غونډې په دوام کې د اپارتمانونو د ویش د قانوني کړنلارې د څرنګوالي په اړه بحث او د نظرونو تبادله وشوه او د ښاغلي مولوي محمد یاسین حقاني له خوا اړوند مسؤلینو ته لازمې مشورې او هدایات ورکړل شول.
غونډه د دعایې په ویلو سره پای ته ورسیده.
