د کابل پولي تخنیک پوهنتون او بلخ پوهنتون ترمنځ د ګډو همکاریو هوکړه لاسلیک شو
دغه هوکړه ليک د کابل پولي تخنيک پوهنتون د عمومي ریاست سرپرست رئيس ښاغلي انجنير سردار ولي صالحي او د بلخ پوهنتون رئيس ښاغلي مفتي محمد شريف عثماني ترمنځ لاسليک شو.
یاد تفاهم لیک د دواړو پوهنتونونو ترمنځ د علمي او اکاډمیکو همکاریو په موخه جوړ شوی دی، چې د یو بل له ظرفیتونو او اسانتیاوو ګټه پورته کول، د پوهنتونونو د استادانو او محصلینو ترمنځ د علمي اړیکو پراختیا، د کنفرانسونو جوړول، د فراغت د پروګرامونو په برخه کې د سیمینارونه، تعلیمي پروګرامونه او د ځانګړې همکارۍ تړونونه شامل و لاسلیک شو.
ښاغلي صالحي او ښاغلي عثماني د تفاهم لیک په لاسلیک خوښي څرګنده کړه او ژمنه يې وکړه چې د یاد تفاهم لیک ټولي برخي به عملي کوي.
په اخیر کې غونډه د تفاهم لیک په لاسلیک او دعایې په ویلو سره پای ته و رسیده.
