د لوړو زده کړو وزارت د اداري او زیربنا رئیس او د کابل پولي تخنیک پوهنتون مشرتابه د دغه پوهنتون د جیولوجي او کانونو پوهنځي له تجهیزاتو او لابراتوارونو څخه لیدنه وکړه.
د لوړو زده کړو وزارت د اداري او زیربنا رئیس ښاغلي قاضي عبدالعزیز عزیزي، د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال،علمي معاون ښاغلي پوهنوال دیپلوم انجینر محمد نسیم نسیمي، مالي او اداري مرستیال ښاغلي انجنیر سید مصباح الدین هاشمي او د دغه پوهنتون د جيولوجي او کانونو د څانګې مسوولينو د یاد شويو تجهیزاتو او لابراتوارونو څخه لیدنه وکړه.
د دې لیدنې په ترڅ کې ښاغلي قاضي عبدالعزیز عزیزي د یاد شوي وسایلو د ثبت او راجستر په اړه مسؤلینو ته لازمې لارښودنې ورکړې او د یاد شویو توکو پر ساتنې او اغېزمنې استفادې یې ټینګار وکړ.
