د کابل پولي تخنیک پوهنتون کې د کادرونو د ګمارنې ازموینه واخیستل شوه
غونده د قرآنکریم د مبارکو آیاتونو په تلاوت سره پیل شو.
د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال ټول نوماندانو ښه راغلاست وویل
دوی د دغو ازموینو د شفافیت په اړه پوره ډاډ ورکړ او ټولو نوماندانو ته یې د بریالیتوب هیله وکړه
د يادې شوې ازموينې په ترڅ کې د کابل پولي تخنيک پوهنتون علمي معاون ښاغلي انجنير روح الله روحاني او د ازموینو د اخیستو مسؤول استادان هم حاضر وو او دا پروسه په پوره روڼتیا سره د طرزالعمل مطابق ترسره شوه.
د يادونې وړ ده، چې په ياده شوې ازموينه کې ۵۴ تنه په عمومي پروسه او ۱۳ تنه په ځانګړې پروسه کې شامل شوي وو.
