د کابل پولي تخنیک پوهنتون د کرکټ لوبډلې لپاره روزنیز کمپ پرانیستل شو

مراسم د قرانکریم د مبارکو آیاتونو په تلاوت سره پیل شول.
لومړی د کمپيوټر ساينس پوهنځي استاد او د کابل پولي تخنيک پوهنتون د کرکټ لوبدلي مسول ښاغلي انجنير احمدسیر عمرزي د جوړ شوي روزنيز کمپ په اړه هر اړخيز معلومات وړاندې کړل دوی د کرکټ له ټولو ورزشکارانو وغوښتل چې د وخت له مهال ویش سره سم د تمرین په وخت کې نظم، ډسپلین او سپورتي اخلاق مراعات کړي او پر وخت رسیدگي وکړي.
ورپسې د کابل پولي تخنیک پوهنتون د ورزشي چارو آمر ښاغلي احمد فایق ضیايي د روزنیز کمپ په اړه خبرې وکړې او له ټولو ورزشکارانو یې وغوښتل چې د ورزش ترڅنګ خپلو زده کړو ته هم جدي پاملرنه وکړي، دوی د هر اړخیزې همکارۍ ژمنه وکړه.
د يادونې وړ ده، چې ياد روزنيز کمپ به يوه مياشت دوام وکړ او موخه يې د کابل پولي تخنيک پوهنتون د کرکټ منتخبې لوبډلې ته د تکړه لوبغاړو ټاکل دي.