د کابل پولي تخنیک پوهنتون د صنایع کیمیاوي انجینرۍ پوهنځي د غیر عضوي موادو د څانګې محصلین د عملي کار په موخه کاري ساحې ته ولیږل شول
د کابل پولي تخنیک پوهنتون د صنایع کیمیاوي انجینرۍ پوهنځي د غیر عضوي موادو څانګې ۱۴ تنه محصلین دڅخه د عملي کار لپاره د پوهنیار انجنیر محمدالله حلیم او انجنیر لعل محمد فیضي تر لارښوونې او همکارۍ لاندې په پلخمري ښار کې د غوري سمنټو د تولید فابریکې او په مزار شریف ښار کې د کیمیاوي سرې او برق له تولیدي فابریکو څخه لیدنه وکړي.
د ياد سفر په ترڅ کې تر دا مهاله د غوري سمنټو له فابريکې څخه د لیدنې چارې بشپړې او د روان کال د ثور میاشتې تر پنځمې نېټې پوري به د مزار شريف د سرې او برق فابريکو څخه لیدنه دوام وکړي.
د یادونې وړ ده، چې کابل پولي تخنیک پوهنتون د مسلکي انجنیرانو د روزنې په موخه محصلین کاري ساحو ته لیږي تر څو په لوړ استعداد انجنیران ټولنې ته د خدمت لپاره وړاندې کړي.
