د جوزجان، غزني تخنيکي او کابل پولي تخنيک پوهنتونونو د خالي کادري بستونه ازموینه واخيستل سوه
د جوزجان، غزني تخنيکي او کابل پولي تخنيک پوهنتونونو د خالي کادري بستونه لپاره د وړ او مسلکي کادرونو د ګمارنې په موخه ازموینه واخيستل سوه
دغه ازموينه د کابل پوليتخنيک پوهنتون د رهبرۍ، د ياد شويو پوهنتونونو د مسؤلينو، د لوړو زده کړو وزارت د نظارتي پلاوي او د ګڼ شمېر نوماندانو په حضور کې ترسره شوه.
د ازموينې بهير د لوړو زده کړو وزارت د نافذه طرزالعملونو له مخې او د شفافيت او سالمې سيالۍ اصل ته په پام سره ترسره شو، چې پکې ۱۹ تنو نوماندانو ګډون کړی و.
د لوړو زده کړو وزارت د کابل پوليتخنيک پوهنتون کې د دغې ازموينې د ترسره کېدو موخه د وړ او مسلکي علمي کادرونو جذب، د استخدام په بهير کې د شفافيت تأمين او د لوړو زده کړو بنسټونو د تدريسي کيفيت لوړول ياد کړل.
د يادونې وړ ده، چې د يادو بستونو د نړيوالې ژبې ازموينه د تخصصي ازموينې څخه يوه ورځ وړاندې له نوماندانو څخه اخيستل شوې وه.
تاریخ: شنبه
۱۴۴۷ هـ.ق د ذوالحجې ۶ مه
۱۴۰۵ هـ.ش د حوزا ۲ مه
