محترم پوهنیار حکمت‌الله ساجد به عنوان معاون پوهنځی کمپیوتر ساینس معرفی شد:
محترم پوهنیار حکمت‌الله ساجد عضو کادر علمی پوهنځی کمپیوتر ساینس طی محفل و با رعایت توصیه‌های بهداشتی از سوی محترم پوهنوال دیپلوم انجنیر عبدالرشید اقبال رئیس عمومی پوهنتون پولی‌تخنیک کابل، معاون علمی پوهنتون و رؤسای پوهنحی‌ها به عنوان معاون پوهنځی کمپیوتر ساینس رسماً معرفی و به کارش آغاز نمود.
رئیس عمومی پوهنتون سمت جدید را به آقای ساجد خجسته‌باد گفته و موفقیت‌شان را در امور پیش‌برد معاونیت پوهنځی از خدای متعال تمنا نمود.
سپس آقای ساجد از اعتماد ریاست عمومی پوهنتون و وزارت محترم تحصیلات عالی اظهار قدردانی و سپاس‌گزاری نموده و وعده سپرد که در راستای ترقی و انکشاف پوهنځی با همکاری تمام استادان و کارمندان تلاش‌های مستمر را انجام خواهم داد.
در ضمن، از کارکردها و فعالیت‌های محترم پوهنیار فیض‌محمد فقیری معاون پیشین این پوهنځی قدردانی به عمل آمد و زندگی مملو از خوبی‌ها را برای‌‌شان آرزو نمودند.
