د مرکزي او ولایاتي دولتي پوهنتونونو د نشراتي مسؤلینو لپاره د ظرفیت لوړونې او فکري روزنې ورکشاپ دایر شو

12-11/2/1445 –7-6/6/1402

ورکشاپ د قرآنکریم د مبارکو آیاتونو په تلاوت سره پیل شو.
د یاد ورکشاپ د پیل مراسمو کې د لوړو زده کړو وزارت د اطلاعاتو، نشراتو او عامه اړیکو رئیس ښاغلي قاري محمد
سلیمان شریفي په داسي حال کې د ښه راغلاست وینا وکړه چې د لوړو زده کړو وزارت علمي مرستیال دکتور لطف الله
خیرخواه، د ا.ا.ا مرستیال ویاند ښاغلي بلال کریمي د مرکز او ولایاتو د دولتي پوهنتونونو د نشراتو مسؤلینو، یو شمیر
میلمنو او استادانو ګډون درلود.
همدارنګه د لوړو زده کړو وزارت علمي معین دکتور لطف الله خیرخواه د رسنیو له لاري د فکري جګړې پر څرنګوالي
هر اړخیز معلومات وړاندې کړل.
ښاغلي خیرخواه د بهرنیو رسنیو لخوا په اسلامي ټولنو کې د تبلیغاتي جګړې او د خلکو د ذهنونو د تخریب په اړه مفصلې
خبرې وکړې، نوموړي وویل: د نشراتو مسؤلین باید خپل مسؤلیتونه درک کړي، د رسنیو له لاري فکري جګړې ته متوجه
شي او ورسره څنګ کې پر حقایقو، بې طرفۍ او دقت ولاړو خبرونو په خپرولو یې ټینګار وکړ..
ورپسې د ا.ا.ا. د ویاند مرستیال ښاغلي بلال کریمي د ا.ا.ا نشراتي پالیسي په مکمل ډول بیان کړه.
نومړي زیاته کړه چې د ا.ا.ا پالیسي دا ده چې خلک په خپلو خبرونو کې ملي وحدت، یووالي او ورولۍ ته رابولي او د بې
بنسټه، په دروغو او شایعاتو او تعصب څخه ډکو خبرونو په نه خپرولو یې ټینګار وکړ.  ښاغلي کریمی د پوهنتونونو د
نشراتی مسؤلینو د مثبتو کارونو ستاينه وکړه.
همدا راز  د کابل پوهنتون د ژورنالیزم او ارتباطاتو پوهنځي استاد ننګیالي ننګیال د ویډیو ګرافي، ښاغلي پوهنوال محمد
شفیق وردګ د معیاري خبر لیکلو
او د باختر اطلاعاتي آژانس رئیس ښاغلي  مولوي ضیاالحق حقمل په رسنیو کې د خپرونو د مهمو ټکو او د هغې د
ارزښتونو په اړه په خپل پرزینټیشنونه په تفصیل او هر اړخیزه توګه وړاندې کړل.
په اخیر کې د ورکشاف لومړۍ ورځ د دعایې په ویلو سره پای ته ورسید.