په کابل پولي تخنیک پوهنتون کې د آریانا طبي کمپلکس په همکاري د کرکټ ټیم لپاره روزنیز کمپ جوړ او پرانیستل شو.
د پرانیستنې مراسم د قرآنکریم د مبارکو آیاتونو په تلاوت سره پیل شول.
لومړی د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال په یاد مراسمو کې ګدونوالوته د ښه راغلاست وینا وکړه او ترڅنګ یې د آریانا طبي کمپلکس له مسئولینو څخه مننه وکړه چې له دوی سره یې د دې روزنیز میدان په جوړولو کې هراړخیزه همکاري کړې ده.
همدارنګه د کابل پولي تخنیک پوهنتون د کرکټ لوبدلې مشر احمد سیر عمرزي په خپلو خبرو کې د پوهنتون له رهبري او د اریانا طبي کمپلکس له مسئولینو مننه کړه چې له کرکټ تیم سره هر راز همکاري کړې ده.
د غونډې په جریان کې د آریانا طبي کمپلکس مرستیال ښاغلي خیبر سعیدي او د کابل پولي تخنیک پوهنتون علمي معاون انجنیر روح الله روحاني هم دغونډې ګډونوالو ته وینا واوروله او یاد کار یې یو غوره اقدام وباله.
په پای کې د کرکټ ټیم لوبغاړو او د آریانا طبي کمپلکس مسئولینو ته ستاینلیکونه او ډالۍ ورکړل شوې او یاد روزنیزمیدان د پټۍ په پریکولو سره پرانیستل شو.
