محترم پوهندوی محمد داود احمدزی بحیث سرپرست پوهنځی الکترومیخانیک معرفی شد.
محفل با تلاوت آیاتی از کلام الله مجید آغازیافت.
محفل که به همین منظور در ریاست پوهنځی الکترومیخانیک برگزارگردیده بود، محترم پوهنوال دیپلوم انجنیر عبدالرشید اقبال رئیس عمومی پوهنتون پولی تخنیک کابل، محترم انجنیرسید مصباح الدین هاشمی سرپرست معاونیت مالی واداری، روسای پوهنځی ها، استادان و کارمندان حضور داشتند.
نخست محترم پوهنوال دیپلوم انجنیرعبدالرشید اقبال رئیس عمومی پوهنتون پولی تخنیک کابل حضورهمه را خیرمقدم گفته و از کارکردها و فعالیت های علمی و اداری پوهنمل محمد امین امین رئیس اسبق این پوهنځی قدردانی کرده و تقرر محترم پوهندوی محمد داود احمدزی را تبریک و تهنیت گفته و آرزوی موفقیت نمودند.
متعاقباً محترم پوهنمل محمد امین امین رئیس اسبق پوهنځی الکترومخانیک از همکاری های هئیت رهبری پوهنتون، استادان و کارمندان طی دوره کاری شان تشکری نموده و تقرر محترم پوهندوی محمد داود احمدزی را تبریک گفته و وعده همکاری نمودند.
همچنان محترم انجنیرسید مصباح الدین هاشمی سرپرست معاونیت مالی و اداری این پوهنتون از فعالیت های علمی و اداری پوهنمل محمد امین امین به نیکی یاد آوری کرده و تقرر پوهندوی محمد داود احمدزی را تبریک گفتند.
در اخیر محترم پوهندوی محمد داود احمدزی از اعتماد و باورمندی هئیت رهبری بخاطر تقرر شان بحیث سرپرست پوهنځی الکترومیخانیک تشکری نموده و افزود که وظیفه سپرده شده را با صداقت کامل انجام خواهند داد.
محفل با دعایه خیر به پایان رسید.
