مسابقات بسکیتبال میان پوهنتون های مرکزی با قهرمانی پوهنتون پولی تخنیک کابل خاتمه یافت
محفل با تلاوت آیاتی از کلام الله مجید آغاز یافت.
مسابقات بسکیتبال که میان پوهنتون های مرکزی کابل با میزبانی پوهنتون پولی تخنیک کابل دایر گردیده بود با قهرمانی تیم بسکیتبال پوهنتون پولی تخنیک کابل خاتمه یافت.
در این محفل هئیت رهبری وزارت تحصیلات عالی، هئیت رهبری پوهنتون های مرکزی، هئیت رهبری پوهنتون پولی تخنیک کابل، استادان، ورزشکاران و مهمانان اشتراک داشتند.
نخست محترم پوهنوال دیپلوم انجنیر عبدالرشید اقبال معاون علمی پوهنتون پولی تخنیک کابل حضور همه را خیر مقدم گفته، در مورد ورزش، صحت و سلامتی مفصلا صحبت نموده و از سهم فعال محصلان در برنامه های ورزشی ابراز قدر دانی نمودند.
متعاقبا محترم انجنیر روح الله عثمانی آمر فرهنگی، اجتماعی و ورزشی محصلان وزارت تحصیلات عالی از هئیت رهبری پوهنتون پولی تخنیک کابل جهت میزبانی مسابقات بسکیتبال ابراز تشکری نموده، هدف از برگزاری چنین مسابقات را شناسایایی محصلان نخبه در عرصه های ورزشی دانسته و وعده همکاری همه جانبه ارائه نمودند.
در ادامه محترم استاد عطا الله فیضی معاون امور محصلان پوهنتون طبی کابل از آمریت انسجام خدمات محصلان وزارت تحصیلات عالی جهت راه اندازی برنامه های تحقیقی، علمی و ورزشی برای محصلان پوهنتون ها ابراز تشکر و قدردانی کرده و درمورد ورزش نیز مفصلا صحبت نمودند.
محفل با توزیع کپ ها، مدال ها، تقدیر نامه ها و قرأت دعایه خاتمه یافت.
