حشرعمومی پاک کاری درپوهنتون پولی تخنیک کابل راه اندازی گردید.
حشرعمومی پاک کاری ساحه پوهنتون پولی تخنیک کابل ازسوی آمریت انسجام خدمات محصلان و تیم پالندوی این پوهنتون به همکاری موسسه پارسا راه اندازی گردید.
دراین حشرعمومی اعضای تیم پالندوی، هیت رهبری، کارمندان و کارکنان پوهنتون و رضا کاران موسسه پارسا ساحات سبز و پارکهای پوهنتون را از وجود کثافات پاک کاری نمودند.
محترم پوهنوال دیپلوم انجنیر عبدالرشید اقبال رئیس عمومی پوهنتون پولی تخنیک کابل از فعالیت های آمریت انسجام خدمات محصلان، تیم پالندوی پوهنتون و موسسه محترم پارسا تشکر و قدردانی نموده خواهان تداوم و راه اندازی چنین برنامه ها درآینده گردیدند .
همچنان مسولین تیم پالندوی و موسسه پارسا نیزهمکاری شان را در زمینه های فرهنگی و اجتماعی به این پوهنتون وعده نموده، تا چنین برنامه ها را درآینده نیز راه اندازی نمایند.
