د کابل پولي تخنیک پوهنتون د والیبال ټورنمنټ پای لوبه د جیوماتیک کدستر او د ساختماني پوهنځيو ترمنځ ترسره شوه.
یادې لسم پړاو سیالۍ د کابل پولي تخنیک پوهنتون د ټولو پوهنځیو د والیبال ټیمونو ترمنځ په لاره اچول شوې وې، چې پای لوبه یې د جیوماتیک کدستر او ساختماني پوهنځيو ترمنځ ترسره شوه، چې په نتیجه کي یې جیوماتیک کدستر پوهنځي وکولای شول د یادو لوبو اتلولي خپله کړي .
د دغو سیالیو د پای لوبې مراسمو کې د کابل پولي تخنیک پوهنتون رئیس ښاغلي پوهنوال دیپلوم انجنیر عبدالرشید اقبال، معاونینو، د پوهنځیو رییسانو ، آمرینو، کارکوونکو، محصلینو او د سپورت مینه والو ګډون درلود.
په پای کې د پوهنتون د رهبري له خوا مراسم اتلې لوبدلې ته د اتلولي کپ په ورکولو، لوبغاړو ته د میډالونو او خاصو جوایزو په ورکولو سره پای ته ورسیدل .
