په کابل پولي تخنیک  پوهنتون کې د تحصیلي سیستم د ستونزو د حل په موخه غونډه جوړه شوه.

kpu_admin
یکشنبه ۱۴۰۱/۲/۲۵ - ۱۰:۱۴
په کابل پولي تخنیک  پوهنتون کې د تحصیلي سیستم د ستونزو د حل په موخه غونډه جوړه شوه.

یاده غونډه د قرانکریم د مبارکو آیتونو په تلاوت سره پیل شوه.

لومړی د کابل پولي تخنیک  پوهنتون عمومي رئیس ښاغلي پوهنوال دیپلوم انجنیرعبدالرشید اقبال استادانو او کارمندانو ته ښه راغلاست وویل او د ستونزو د حل او د دغه پوهنتون د ښه والي په اړه خبرې وکړې.

نوموړي دغه راز د اوسنيو قوانينو د تطبيق په اړه د لوړو زده کړو وزارت پاليسي روښانه او په ټولنيزو رسنيو کې يې د ځينو تخريبي مسايلو د خپرېدو يادونه وکړه، چې له علمي روحيې سره په ټکر کې دي او د مخنيوي غوښتنه يې وکړه.

ښاغلي اقبال هغه استادانو او علمي کدرونه ته چې په بهر کې دي هیواد ته د راستنیدو او خپل هیواد ته د خدمت کولو بلنه ورکړه، دغه راز يې له حاضرو استادانو وغوښتل، چې د ښه والي په موخه خپل نظرونه، وړانديزونه او تګلارې په شفاهي او يا ليکلي ډول د پوهنتون مشرتابه ته وسپاري.

ورپسې د کابل پولي تخنیک پوهنتون لپاره د لوړو زده کړو وزارت ځانګړي استازي د مالي او اداري چارو مرستیال ښاغلي انجنیر زیارمل خطاب خبرې وکړې.

نوموړی په تحصیلي سیستم کې شته ستونزو، او نیمګړتیاوو امکاناتو په کتو سره د هر راز همکاري ژمنه وکړه.

ښاغلي خطاب په تالارکې له ناستو استادانو او علمي کدرنو څخه د اسلامي نظام او د تحصیلي سیستم د لا پیاوړتیا په برخه کې د همکاري غوښتنه وکړه.

نوموړي په دې برخه کې د لوړو زده کړو وزارت د همکارۍ ډاډ ورکړ او همدارنګه یې د دغه پوهنتون د استادانو او کارمندانو له کارونو څخه مننه او قدرداني وکړه.

له اجنډا سره سم یو شمېر استادانو او کارمندانو په خپل وار سره خپل نظریات، وړاندیزونه او د ستونزو د حل په موخه خبرې وکړې.

غونډه د کابل پولي تخنیک پوهنتون د عمومي رئیس ښاغلي پوهنوال دیپلوم انجنیرعبدالرشید اقبال په پایله بیانولو او د دعايې په ویلو سره پای ته ورسیده.

تازه خبرونه

چهارشنبه ۱۴۰۳/۱/۱ - ۸:۲۹
Background image

په کابل پولي تخنیک پوهنتون کې د افغانستان د طبي شورا د فعالیت جواز ترلاسه کولو ازموینه واخیستل شوه

د افغانستان طبي شورا د فعالیت جواز په معالجوي او ستوماتولوژي څانګو کې د جذب ازموینه د ازموینو ملي ادارې له خوا د لوړو زده کړو وزارت په همکارۍ په کابل پولي تخنیک پوهنتون کې واخیستل شوه.
. . .

سه‌شنبه ۱۴۰۲/۱۲/۲۲ - ۱۱:۵۷
Background image

د کابل پولي تخنیک پوهنتون محصلینو ته د روژې مبارکې میاشتې د فضیلت په اړه سیمینار جوړ شو

سیمینار د قرآنکریم د مبارکو آیاتونو په تلاوت سره پیل شو.
لومړی د کابل پولي تخنیک پوهنتون د دعوت او ارشاد آمر ښاغلي مولوي عبدالخلیل درویش، د لوړو زده کړو وزارت د دعوت او ارشاد رئیس ښاغلي. . .

دوشنبه ۱۴۰۲/۱۲/۲۱ - ۱۰:۵۹
Background image

د عامې روغتیا وزارت له خوا په کابل پولي تخنیک پوهنتون کې محصلینو ته د نشه یې توکو د زیانونو په اړه معلوماتې سیمینار وړاندې شو

سیمینار د قرآنکریم د مابرکو آیاتو په تلاوت سره پیل شو.
لومړی د کابل پولي تخنیک پوهنتون د محصلانو چارو مرستیال ښاغلي انجنیر ویس الدین بریالي د عامې روغتیا وزارت کارکوونکو ته د ښه راغلاست. . .

BACK TO NEWS