د کابل پولي تخنیک پوهنتون کارمندانو د فوټسال منتخبې لوبډلې په یوه دوستانه لوبه کې خاتم النبیېن پوهنتون د فوټسال لوبډلې ته ماته ورکړه

دغه سيالۍ د روان کال د زمري مياشتې په اتمه نيټه د کابل پولي تخنيک پوهنتون د ورزشي چارو آمریت او د خاتم النبیین پوهنتون د عامه اړیکو او نړیوالو چاروآمریت په همغږي او همکارۍ، د خاتم النبیین پوهنتون سره د همکارۍ د تفاهم په چوکاټ کې د یاد پوهنتون د کارمندانو ترمنځ د دوستۍ او نږدېوالي فضا د رامنځته کولو په موخه ترسره شوه.
د یادونې وړ ده چې دغه لوبه د ۷-۵ په پایلې سره د کابل پولي تخنیک پوهنتون کارمندانو د فوټسال منتخبې لوبډلې په ګټه پای ته ورسیده.