د ساختماني مدیریت او انجنيرۍ د ماستری پروګرام د ودانیزو چارو د مدیریت ډیپارټمنټ څانکه لند پیژندنه:

د ودانیو مدیریت او انجینری  ماسټري رشته یوه له هغو پېژندل شویو نړیوالو رشتو څخه ده چې د هېواد د عاجل اړتیاوو په نظر کې نیولو سره د زیربنایي پروژو د تطبیق لپاره، کوم چې د لوړ پانګې اچونې او منابعو د مدیریت غوښتنه لري، خورا مهمه ګڼل کېږي. له همدې امله، د کابل پولی تخنیک پوهنتون د دې علمي ډګر په برخه کې د مخکښو بنسټ ګرانو  په توګه اقدام وکړ او دغه برنامه یې رامنځته کړه.

دا برنامه  د لومړي ځل لپاره په ۱۴۰۰ هجري شمسي کال کې د اړتیا سنجونې او د لوړو زده کړو د محترم وزارت د لید پراساس، په ودانیزو چارو د مدیریت ډیپارټمنټ، د ساختماني پوهنځي، د کابل پولی تخنیک پوهنتون کې رامنځته شوه. په ۱۴۰۲ کال کې د دې رشته لومړني فارغان خپلې ماسټري تیزسونه په بریالیتوب سره د یوه علمي تحقیقي مقالې په خپرولو سره په یو له معتبره ملي او بین المللي ژورنالونو کې دفاع کړل.

دغه برنامه د آزاد رقابت له لارې چې هر کال د امتحاناتو ملي ادارې لخوا ترسره کېږي، په شرایطو برابر  غوښتونکي مني. دا برنامه په دوه تر درې کلونو کې بشپړېږي او محصلین د شاملېدو وروسته په څلورو سمسترونو کې 46 کریډیټ بشپړوي چې پکې د کورسونو، سیمینارونو او ماسټري تیزس شامل دي. محصلین په درېیو لومړنیو سمسترونو کې مکلف دي چې د درسي کریډیټونه بشپړ کړي او د څلورم سمستر وروسته، د پروپوزل وړاندې کولو نه وروسته خپل تحقیقي کار ته ادامه ورکوي. د دې برنامې په نصاب کې، محصلین مخکې له دفاع کولو مکلف دي چې یوه علمي مقاله په معتبره ژورنالونو  کې چاپ کړي.

فزیکي منابع د دې برنامې عبارت دی له: مجهز لابراتوار د ساختماني موادو لپاره، معیاري درسي صنفونه، اداري دفترونه، چاپیریال او ازاد ځایونه، د ژوند اسانتیاوې او کمپیوټر لابراتور.

لید لور

د ودانیو مدیریت او انجینری  ماستر په راتلونکي کې غواړي چې د تدریس، تحقیق، نوښت، او د عصري علومو د مدیریت او انجنیرۍ ساختماني د ترویج له لارې په سیمه‌ییزه کچه د معتبر پوهنتونونو په ردیف کې ځای ولري.

ماموریت

د ودانیو مدیریت او انجینری ماستری  ژمنه لري چې د نوو تدریسي میتودونو، تحقیق، نوښت او عصري علومو په کارولو سره د دې رشتی متخصصین وروزي، ترڅو د بازار د کار یوه لویه برخه اړتیاوې پوره کړي.

شماره	اسم	درجه تحصیل	موقف اکادمی	سال استخدام
1	پوهاند دوکتور امان لله فقیری	دوکتورا	پوهاند	1370
2	پوهنمل دوکتور محمد نجیم واحدی	دوکتورا	پوهنمل	1394
3	پوهنمل دوکتور محمد عالم وردک	دوکتورا	پوهنمل	1395
4	پوهنمل محمد شعیب کوهستانی	ماستر	پوهنمل	1395
5	پوهنمل عبدالتواب علیم	ماستر	پوهنمل	1395
6	پوهنمل محمد ناصر امین	ماستر	پوهنمل	1385
7	پوهنیار عبدلباری رحیمی	ماستر	پوهنیار	1395

 

 

 

 

 

 

 

 

د رشته تعلیمي موخې

د دې رشته تعلیمي موخی  دا دی چې د ودانیو مدیریت او انجینری  کې مسلکي، معياري او نړیوال مهارتونه وړاندې کړي، څو د متخصص او ژمن ځواک روزنه وکړي تر څو د ملي او نړیوالو مسلکي اړتیاوو پوره کولو توان ولري. دغه اهداف لاندې برخې پوښي:

• د ودانیو مدیریت او انجینری  بنسټونو سره پېژندګلوي، په پام کې نیولو سره د اسلامي روحیې پالنه، د ټولنې پېژندنه او د فزیکي روغتیا ساتنه.
• د ودانیزو پروژو د عصري ټکنالوژۍ پېژندنه او د ستونزو د حل لپاره یې کارول.
• د ودانیزو پروژو د لګښتونو اټکل او مالي چارو د مدیریت لپاره پوهه ترلاسه کول.
• د وخت په جدول مطابق د بشري ځواک پلان جوړونې او مدیریت زده کړه.
• د ودانیزو عناصرو په طرحه او ډیزاین کې د اړتیا وړ کنټرول او څارنې زده کړه.
• د ودانیزو پروژو د ټولو چارو د پروسې کنټرول زده کړه.
• د ملي ودانیزو پروژو د مسایلو د حل لپاره پوهه ترلاسه کول.
• د پایدارو ودانیزو چارو او موادو پېژندنه.
• د ودانیزو پروژو په مختلفو مرحلو کې د قراردادونو او ریسک مدیریت سره پېژندګلوي.

د فارغانو وړتیاوې

د ماسټري پروګرام «د ودانیو مدیریت او انجینری  » فارغان د دې وړتیا لري چې په تدریس، تحقیق او په پېچلو ودانیزو پروژو کې کار وکړي. همدارنګه، دوی به په وزارتونو او ملي پروژو کې چې د انجنیرۍ او مدیریت تخصص ته اړتیا لري، برخه واخلي. برسېره پر دې، دغه فارغان به د ملي پروژو په جوړولو کې، لکه د زیربنایي او پرمختیایي پروژو په رهبري او کلیدي رولونو کې برخه ولري.

د رشتی تمه کېدونکي پایلې

• د ودانیزو پروژو اټکل او مدیریت د نړیوالو پېژندل شویو معیارونو مطابق.
• د پېچلو انجنیري نقشه‌ګانو تطبیق.
• د ودانیزو پروسو تنظیم د هېواد په مختلفو اقلیمي شرایطو کې.
• د ودانیزو پروژو د وخت جدول جوړول او تعقیبول.
• د ودانیزو پروژو د بشپړتیا لپاره اقدامات کول.
• د ودانیزو پروژو مدیریت په مفهومي، پلان جوړونې، تطبیق، کنټرول او څارنې پړاوونو کې.
• په پروژو کې د منابعو مؤثر مدیریت.
• د ودانیزو پروژو بریالۍ بشپړتیا د مخکې ټاکل شوي پلان مطابق.
• د رشته اړوند علمي تحقیقات ترسره کولو وړتیا.