د لوړو وزده کړو وزارت د محصلانو چارو معین په مشرۍ پلاوي د کابل پولي تخنیک پوهنتون له درسي بهیر څخه لیدنه او څارنه وکړه
د محصلانو چارو معین مولوي عبدالله سیحان په مشرۍ یاد پلاوي د کابل پولي تخنیک پوهنتون له درسي ټولګیو څخه په لیدنه کې، د روزنیزو برنامو د پرمخ وړلو څرنګوالی، استادانو له لوري د تدریس لارو چارو او د درسونو د وړاندې کېدو کیفیت ارزونه ترسره کړه. دغه راز نوموړي د یو شمېر محصلینو سره وکتل او د هغوی د وړاندیزونو، ستونزو او غوښتنو له اورېدو وروسته یې د محصلینو اړتیاوو ته د رسېدنې او غوره تحصیل زمینې برابرولو ډاډ ورکړ.
همدا راز په دغه لیدنه کې د محصلانو چارو معین د یادو پوهنتونونو مسؤلینو، استادانو او محصلانو ته لازمې لارښوونې او سپارښتنې وکړې او د تدریس د کیفیت لوړوالي پر ارزښت او محصلانو ته د لا زیاتو اسانتیاوو په رامنځته کېدو یې ټینګار وکړ
د لیدنې تر څنګ د پوهنتون رهبري نوړي پلاوي ته د هرکلي تر څنګ د کارونو او ښه خدمتونو ترسره کولو ډاډ څرګند کړ او ژمنه وشوه چې دې برخې ته به لا ښه پاملرنه کیږي.
۱۴۴۷ هـ.ق د ذوالحجة الحرام ۲۹ مه
۱۴۰۵ هـ.ش د جوزا ۲۵ مه
۲۰۲۶ م د جون ۱۵مه
