د دعوت او ارشاد آمریت د خپلو مسلسلو اصلاحي بیانونو په لړۍ کې نن پر حجاب هر اړخیز بیان وکړ
یاد اصلاحي درسونه چې د کابل پولي تخنیک پوهنتون د دعوت او ارشاد آمریت له خوا اداري کارمندانو ته په مسلسل ډول دوام لري، نن د اسلامي مبارک دین له نظره د حجاب په موضوع مفصل بحث ترسره شو.
د کابل پولي تخنیک پوهنتون د دعوت او ارشاد آمر مولوي دین محمد په خپلو خبرو کې څرګنده کړه چې اسلامي حجاب یو الهي فریضه او د اسلامي ارزښتونو د ساتنې د تعهد څرګندونه ده او د قرآن کریم او نبوي سنتو له لارښوونو سره سم د اسلامي حجاب مراعت کول د انساني کرامت د ساتنې او د ایماندارۍ روحیې د پیاوړتیا سبب ګرځي.
همدارنګه ښاغلي مولوي دین محمد حجاب د اسلامي ادب، تقوا او د اخلاقي اصولو د التزام یوه مهمه برخه وبلله او زیاته یې کړه چې د حجاب مراعت کول د تقوا د روحیې په پیاوړتیا، د رواني سکون په تامین، د متقابل احترام په رامنځته کولو او د کاري چاپېریال په حرمت ساتنه کې اساسي رول لري.
