د کابل پولي تخنیک پوهنتون د ساختماني پوهنځي د څلورم ټولګي ۴۳ تنه محصلین د عملي کار ترسره کولو په موخه د شاروالي ریاست ته معرفي شول.
د کابل پولي تخنیک پوهنتون د ساختماني پوهنځي صنعتي او مدني ودانیزو څانګې ۴۳ تنه محصلین د پوهنیار محمد طارق عمر په لارښوونه، د کابل ولایت شاروالي ریاست ته د یو میاشتني عملي کار لپاره معرفي شول څو په مختلفو ساختماني پروژو کې عملي تجربه ترلاسه کړي.
دغه برنامه د دې موخې لپاره جوړه شوې چې محصلانو ته د نظری زده کړو ترڅنګ عملي فرصتونه برابر کړي، ترڅو په رښتینو پروژو کې د ودانیزو چارو د تطبیق له مرحلو سره اشنا شي.
دا عملي تجربې محصلینو سره مرسته کوي چې خپلې تخنیکي او مسلکي وړتیاوې لوړ کړي او د کار بازار ته د ننوتلو لپاره ښه چمتووالی ولري.
د کابل پولی تخنیک پوهنتون رهبري د کابل شاروالی ریاست له همکارۍ مننه کړې او ویلي یې دي چې د عملي زده کړو پیاوړتیا د مسلکي کسانو په روزنه او د عمراني پروژو په کیفیت کې د پام وړ رول لري.
د یادونې وړ ده چې د کابل پولي تخنیک پوهنتون د انسجام او خدماتو آمریت د محصلانو د عملي کارونو او پرکټیک د فرصتونو په برابرولو کې په وزارتونو او سکتوري ادارو کې مهم رول لوبوي.
