ورزشی خبرتیا
۱۴۰۳ کال د فوټسال سیالیو د ترتیب شوي مهالویش له مخې د ورزشي استعدادونو د ودې او د کابل پولي تخنیک پوهنتون د فوټسال منتخبې لوبډلې لپاره د غوره لوبغاړو د ټاکلو په موخه، د ورزشی چارو آمریت په همغږۍ د کابل پولي تخنیک پوهنتون د اتو پوهنځیو تر منځ د فوټسال ۱۳م پړاو سیالي په لاره اچوي.
نو په ډېر درنښت د پوهنځیو د فوټسال لوبډلو له ټولو استازو څخه هیله کیږي چې د ۱۴۰۳ کال د ثور میاشتې له ۳ نیټې څخه د ۱۴۰۳ کال د ثور تر ۱۰ نیټې، د سهار له ۸ بجو څخه د غرمې تر ۱۲ بجو پورې ورزشي امریت ته د ( ورزشکارانو د فورمو ) د ترلاسه کولو په موخه تشریف راوړي، تر څو په سیالیو کې د ګډون لپاره ثبت نام وکړي.
د يادونې وړ ده، چې د ثور لسمه نېټه د فورمو د وېش وروستۍ ورځ ده او په هېڅ حالت کې به له ټاکلې نېټې وروسته فورمې نه وېشل کېږي.
