د کابل پولي تخنیک پوهنتون د څیړنو او علمي مجلې معاونیت له لوري د پوهنتون په سطحه د تیرو دریو کلنو د مونوګرافونو فهرست ډیتابیس په انلاین بڼه نشر کړ.
د علمي او نوښتګر اقدام په ترڅ کې د کابل پولي تخنیک پوهنتون د څېړنو او علمي مجلې معاونیت د ۱۴۰۱ څخه تر ۱۴۰۳ کلونو پورې د محصلینو د مونوګرافونو سرلیکونو یو پراخ او جامع آنلاین ډیټابېس جوړ او فعال کړی دی.
دا ګام د دې لپاره اخیستل شوی تر څو د پوهنتون استادانو، محصلینو او څېړونکو لپاره علمي منابعو ته اسانه، چټکه او هدفمند اسانتیا برابره کړي.
یاد ډیټابېس چې د معلوماتو له راټولولو، ارزونې او دقیق تنظیم وروسته چمتو شوی او د لاندې لینک له لارې ټولو ته د لاسرسي وړ دی:
https://tinyurl.com/Monograph1401-1403
د ډیټابېس محتوا:
• د مونوګراف سرلیک
• د محصل نوم
• د لارښود استاد نوم
• د تدوین کال
• اړوند دیپارتمنت
یاد اقدام د دې ښکارندوی دی چې کابل پولي تخنیک پوهنتون د هدفمند، اغېزناک، شفاف او د خلاص لاسرسي پر بنسټ څېړنیز فرهنګ د بنسټ ایښودو ژمن دی.
د پوهنتون د څېړنو او علمي مجلې معاونیت ټولو استادانو او محصلینو ته بلنه ورکوي چې له دې ارزښتناک علمي سرچینې څخه ګټه واخلي او د علمي پرمختګ، څېړنیزو ظرفیتونو لوړولو او د نوې پوهې تولید په لور اغېزمن ګامونه واخلي.
