د کابل پولي تخنیک پوهنتون د جیولوجي او کانونو پوهنځي د کانونو اکتشافاتو انجنیري څانګې محصلینو د خپلو دیپلوم پروژو څخه دفاع وکړه.
دفاع غونډه د قرآن کریم د څو مبارکو آیاتونو په تلاوت سره پیل شوه.
په یاده غونډه کې د کابل پولي تخنیک پوهنتون رهبري هیئت، استادان، د سکتوري ادارو استازو، محصلینو او مېلمنو ګډون درلود.
د علمي او تدریسي اصولو او طرزالعمل پر اساس، د پوهنتون د وروستي کال محصلین باید د خپلې څیړنیزې پروژې دفاع وکړي تر څو د دیپلوم سند تر لاسه او فارغ التحصیل ونومول شي.
له همدې امله، د کابل پولی تخنیک پوهنتون د جیولوجي او کانونو پوهنځي د کانونو اکتشاف د انجنیري څانګې محصلینو خپلې پروژې په بریالیتوب سره دفاع کړې.
د یادونې وړ ده چې د یادې څانګې څخه 32 تنه محصلینو د ژوري د هیئت له ارزونې او تایید وروسته د فارغ التحصیلانو په توګه وپېژندل شول.
