د علمي معاونيت پېژندنه

د علمي معاونيت پېژندنه :

علمي معاونيت د کابل پولي تخنيک پوهنتون یو له مهم معاونيتونو څخه شمېرل کيږي. دا معاونيت د پوهنتون له تاسیس سره سم رامنځ ته شوی دی.  نوموړی معاونيت د پوهنتون د علمي فعالیتونو د سمون، هم غږي، ارتقاء، پراختيا مسؤلیت په غاړه لري. د پوهنتون لپاره ددې  معاونيت اهميت په لاندي ډول بيانولی شو.

1. دا معاونيت د پوهنتون د تدریس، د کيفیت ارتقاء، د استاذانو د ظرفيت لوړونې لپاره بنسټیز او ستراتیژیکه مرجع ده.
2. علمي معاونيت د استاذانو د مسلکي ودې او د څانګو د علمي پراختيا او ودې تر ټولو مهم تنظیموونکی دی.
3. علمي معاونيت د پوهنتون د اوږد مهاله پراختيا او نړيوالو معيارونو سره د هم غږي لپاره د تصمیم نيونې مهمه مرجع ده.
4. علمي معاونيت د تدریس په پروسه کې د کیفیت لوړولو او د داخلي او نړيوالو معیارونو سره په هم غږي کې مهم رول لوبوي.
5. د استاذانو مسلکي ظرفيت لوړول ، د هغوی لپاره د دوامداره پرمختيا یې پروګرامونو طرح او تطبیقول.
6. د استاذانو ترمنځ د څېړنې فرهنګ پیاوړی کول، د نوښت اختراع او تولیدي علم رامنځ ته کول.
7. د استاذانو د د استخدام پروسه په شفاف ډول او معياري ډول سره تنظیمول.
8. د پوهنتون د داخلي  کيفیت لوړولو کې علمي معاونيت يوازینی مرجع ده چې  دا کار مخته بیا یې.
9. د پوهنتون لپاره د فوق ليسانس برنامو تنظیم، پراختيا او د کیفیت څارنه.

د علمي معاونيت مهم کارونه او کړني په لاندي برخو کې سر ته رسوي.

1. د استاذانو استخدام
   1. د استاذانو لپاره خالي بستونه اعلان ته سپارل
   2. رقابتي ازمویني په لاره اچول
   3. د نویو استاذانو لپاره مسلکي ورکشاپونه نیول
   4. د استاذانو دوسیې بشپړول
2. د استاذانو ظرفیت لوړونه او پرمختيا
   1. معاصر نوي تدريسي میتودونو په هکله ورکشاپونه نيول
   2. داخلي نړيوال کنفرانسونه ترتیبول او تنظیم
   3. د تدریس کيفيت د ښه والي لپاره هڅي او هاند
3. د پوهنتون د کيفيت ارتقاء لپاره مهم ګامونه پورته کول
   1. د پوهنتون د داخلي کیفيت ارتقاء رهبري او ملاتړ.
   2. د څانګو د کیفیت کلني ارزونه کول.
   3. د نصاب د بیا کتنې او نړيوال معيار سره د هم غږي لپاره اړوند اصلاحات راوستل.
   4. د پوهنتون د اعتبار اخيستنې لپاره هڅي او هاند.
4. د پوهنتون لپاره د فوق ليسانس برنامو تنظیم او پراختيا
   1. د پوهنتون د فوق ليسانس برنامو نظارت او کتنه
   2. د پوهنتون د فوق ليسانس برنامو لپاره د تجهیزاتو برابرول
   3. د پوهنتون د فوق ليسانس برنامو پراختيا.

ددې تر څنګ ځيني نور فعالیتونو کې هم مهم رول لوبوي.

• د علمي شورا د ناستو تنظيم او د پرېکړو تکثیر یې.
• د استاذانو د څېړنو لپاره له معاونيت سره هم غږي.
• د پوهنتون د تؤامیتونو د تطبیق لپاره هڅي او هاند.