د جیودیزي انجنیري څانګه

د څانګي په اړه (About)

د جیودیزي انجنیري څانګه د کابل پولي تخنیک پوهنتون د تاسیس له هماغه پیل څخه د عمومي جیودیزي او مارکشیدرۍ چارو په نوم تدریسي فعالیت درلود، چې په ۱۳۶۱ لمریز کال کې د فارغ ورکوونکي څانګي کچې ته لوړ شو. د مارکشیدرۍ په څانګه کې د فارغانو له دوو دورو وروسته، په ۱۳۶۷ کال کې د جیودیزي انجنیري په څانګي بدل شو، چې د انجنیرۍ په ټولو برخو کې یوه حیاتي رشته ګڼل کېږي او تر ۱۳۷۲ کال پورې یې پنځه دورې د ماسترۍ په کچه فارغان ورکړي دي. تر اوسه پورې له دې تحصیلي بنسټ څخه په سلګونو جیودیزیستان د لیسانس او ماسترۍ په کچه فارغ او ټولنې ته وړاندې شوي دي.

دغه څانګي د فوتوګرامتري، کارتوګرافي، جغرافیایي معلوماتي سیستم (GIS)، ریموت سینسنگ (Remote Sensing)، عالی جیودیزۍ، تطبیقي جیودیزۍ، کدستر او کیهاني جیودیزۍ په برخو کې متخصصین روزي او د هېواد د ملي اقتصاد د پیاوړتیا او خدمت لپاره یې ټولنې ته وړاندې کوي. اوسمهال د یاد پوهنتون د جیودیزي انجنیري په څانګي کې ژمن او تجربه لرونکي استادان د اکاډمیکو فعالیتونو په پرمخ وړلو بوخت دي. د دې رشتې استادان تل هڅه کوي چې ټول اکاډمیک فعالیتونه (اداري، تدریسي، څېړنیز او نور) د یوه منظم سیستم له مخې او د سیمې له هېوادونو سره په سیالۍ او همغږۍ په غوره توګه ترسره کړي.

د څانګي موخي (Objectives)

• د درسي کتابونو او تعلیمي موادو تألیف او ژباړه؛
• د مسلکي او تخصصي انجنیري پوهې لرونکو ځوانو کادرونو روزنه په معیاري او باکیفیته ډول او د هغوی پالنه د اسلامي روحیې، وطن‌دوستۍ او نیکو اخلاقو پر بنسټ؛
• د استادانو د ظرفیت لوړونه؛
• د نوې او معاصرې ټکنالوژۍ په وسیله د څانګي سمبالول؛
• د مناسب ټولنیز او اخلاقي چاپېریال رامنځته کول او له تعصب څخه مخنیوی؛
• د څانګي د ستراتیژیکو پلانونو د ښه تطبیق لپاره د تمویل کوونکو سرچینو او ارګانونو لټون؛
• په دوامداره توګه د درسي نصاب (کریکولم) او د هغو مضامینو د مفرداتو بیاکتنه چې په څانګي کې تدریسېږي؛
• په څانګي دننه او له څانګي څخه بهر، د اړوندو ارګانونو سره په ګډه د څېړنیزو او انجنیري پروژو تطبیق؛
• په هغو پروژو کې چې نوې ټکنالوژۍ ته اړتیا لري، د داخلي هم‌مسلکانو ترمنځ د همکارۍ زمینه برابرول؛
• د څانګي د ځان‌ارزونې (Self-Evaluation) پروسې پیاوړتیا.

لید لوری (Vision)

د جیودیزی انجنیري څانګي په داسې تخصصي لوړو زده کړو سیستم باندې ولاړ دی چې نه یوازې د کمیت او کیفیت له پلوه د هیواد د اړتیاوو، پرمختګ او ودې په اړه معاصر غوښتنې پوره کړي، بلکې د علمي کادرونو، د درسونو موادو د نصاب سره سم او مجهز لابراتورونو له لارې اکاډمیک خدمات وړاندې کړي، څو وکولی شي د هېواد او سیمې له پوهنتونونو سره علمي او اکاډمیکه سیالي وکړي.

رسالت (Mission)

څانګي جیودیزی انجنیری از طریق فراهم‌آوری خدمات با کیفیت آموزشی و تحقیقی و با بهره‌گیری از تمامی امکانات درسی، در بخش تدریس و تحقیق خدمات اکادمیک عرضه نموده و با تربیه و تقدیم فارغ‌التحصیلان مسلکی و متخصص، در جهت پاسخ‌گویی به نیازمندی‌های جامعه و مطالبات مسلکی و تخصصی در سطح کشور و منطقه فعالیت می‌نماید.

د څانګي فعالیتونه (Activities)  

د جیودیزی انجنیري څانګي، د تدریس او علمي څېړنو تر څنګ، نور فعالیتونه هم ترسره کوي چې مهم‌ یې لاندې دي:

 

 

• په کلني علمي-څېړنیزو کنفرانسونو کې د انجنیري جیوماتیک پوهنځي د کابل پولی‌تخنیک پوهنتون فعال ګډون او علمي-څېړنیزو مقالو وړاندې کول.
• په علمي کنفرانسونو کې فعال ګډون او علمي-څېړنیزو مقالو وړاندې کول؛ په ځانګړې توګه د کابل پولی‌تخنیک پوهنتون د اوبو په نړیوال کنفرانس کې ګډون.
• د افغانستان د مستقلې ځمکو ادارې د کارمندانو د ظرفیت لوړولو لپاره د یوه میاشتني ورکشاپ ترسره کول د جیودیزی انجنیري څانګي د استادانو په همکارۍ په ۱۳۹۷ کال کې.
• د شیکاګو پوهنتون د اورینټل انسټیټیوټ مالي ملاتړ سره د باستاني سیمو د نقشو د جوړولو په برخه کې ورکشاپ د افغان باستان‌پوهانو لپاره په ۱۳۹۵ کال کې.
• د کابل ولایت د املاکو د ثبت لپاره د یوې اوونۍ ورکشاپ ترسره کول د ښار جوړونې ریاست د کارمندانو لپاره د محترم ښار جوړونې او کور جوړونې وزارت په ۱۳۹۸ کال کې.
• د الکترونیک ټوټل سټېشن (Tachymeter / Total Station) کورس ترسره کول د انجنیرو او محصلینو لپاره د جیودیزی انجنیري څانګي د استادانو په همکارۍ په ۱۳۹۸ کال کې.
• د کابل پولی‌تخنیک پوهنتون د داخلي او بهرنیو پروژو په اړه د انجنیري څانګې سره دوامداره همکاري او تخنیکي مشورې وړاندې کول.
• په وزارت تحصیلات عالی کې د لیسانس دورې د جیودیزی انجنیري د نصاب د تدوین او بیاکتنې په کلسترونو کې فعال ګډون د ۱۳۹۸ او ۱۴۰۳ کلونو په ژمی کې.
• د دې څانګي د یو استاد لخوا د اوبو او انرژی وزارت د کارمندانو د ظرفیت لوړولو لپاره ورکشاپ په همدې وزارت کې په ۱۴۰۴ کال کې پیل کړ.

اسانتیاوی (Facilities)  

د جیودیزي انجنیري څانګي له معیاری درسي صنفونو، مجهزو لابراتوارونو او د رشتې له عصري وسایلو او تجهیزاتو څخه برخمن دی. دا مهال د یاد څانګي له لوري د محصلینو لپاره په بېلابېلو برخو کې لابراتواري چارې ترسره کېږي. په یادو لابراتوارونو کې لابراتواري فعالیتونه د لېسانس او ماستري دورو محصلینو او همدارنګه د دې څانګي د استادانو له خوا اجراء کېږي.

د جیودیزي انجنیري څانګي لابراتوار د لاندې لابراتواري تجهیزاتو لرونکی دی:

1. توتال سټېشن (Total Station)
2. ډیجیټلي لېول (Digital Level)
3. ډیجیټلي تیودولیت (Digital Theodolite)
4. اتومات لېول ماشین (Automatic Level Machine)
5. د فاصلې د اندازه‌ګیرۍ وسایل (EDM)
6. د GPS سټېشن (Station GPS)
7. لاسي GPS وسایل
8. لېزري مترونه
9. له کمپیوټر، کمرې، LED، هوا سړوونکي (AC) او سولري برېښنا سره سمبال درسي ټولګی
10. او لسګونه نور جیودیزي وسایل او تجهیزات

 

استادان او کارمندان (Professors & Staff)

استادان

نوم او تخلص: پوهنمل محمد یعقوب سلطانی

تحصیلی څانګه: جیودیزی انجنیری

تحصیلی درجه: لیسانس (د کابل پولی تخنیک پوهنتون)، ماستری (د سامسون ښار ترکیه اندوکوز مایس پوهنتون)

ایمل آدرس:  mysultani@kpu.edu.af

د اړیکي شمیره: 93765199288+ 

د څیړني حوزه: نقشه برداری، فوتوگرامتری او د اطلاعاتو جغرافیایی سیستم

 نوم او تخلص: پوهاند محمد انور سراج

تحصیلی څانګه: جیودیزی انجنیری

تحصیلی درجه: لیسانس (د کابل پولی تخنیک پوهنتون)، ماستری (روسیه مسکو ښار)

ایمل آدرس:  anwarsaraj@gmail.com

د اړیکي شمیره:  93700246409+ 

د څیړني حوزه: فوتوگرامتری، نقشه برداری او د اطلاعاتو جغرافیایی سیستم

 

 نوم او تخلص: پوهنمل عبدالبصیر عزیزی

تحصیلی څانګه: جیودیزی انجنیری

تحصیلی درجه: لیسانس (د کابل پولی تخنیک پوهنتون)، ماستری (قزاقستان هیواد)، دوکتورا (د دوکتورا فارغ کال ۱۴۰۴ ، روسیه)

ایمل آدرس:  b.azizi@kpu.edu.af

شماره تماس: 93799051020+

د څیړني حوزه: د ځمکې د مدیریت او کادستر د ښه والي لپاره د جیوماتیک علومو او ټکنالوژیو کارول

 

نوم او تخلص: پوهنمل نجیب الله حسن زرمتی

تحصیلی څانګه: جیودیزی انجنیری

تحصیلی درجه: لیسانس (د کابل پولی تخنیک پوهنتون)، ماستری ( قزاقستان هیواد)، دوکتورا (د دوکتورا محصل ، روسیه)

ایمل آدرس:  eng.najib_hz@gmail.com

شماره تماس: 79231278975+

د څیړني حوزه: جیودیزی انجنیری

 

 نوم او تخلص: نوماند پوهنیار احمد تمیم سهاک

تحصیلی څانګه: جیودیزی انجنیری

تحصیلی درجه: لیسانس (پوهنتون پولی تخنیک کابل)، ماستری (محصل برنامه ماستری مدیریت سروی پوهنتون پولی تخنیک کابل).

ایمل آدرس:  tamimsahak@kpu.edu.af

شماره تماس: 93784568560

د څیړني حوزه: فوتوگرامتری، جیودیزی تطبیقی، نقشه برداری او GIS

 

 نوم او تخلص: نوماند پوهنیار نصیرالله بی ریا

تحصیلی څانګه: جیودیزی انجنیری

تحصیلی درجه: لیسانس (پوهنتون پولی تخنیک کابل)

ایمل آدرس:  engineernasirullah@gmail.com

شماره تماس: 93793729986

د څیړني حوزه: علوم جیوماتیک، نقشه برداری، د دایمي فعالو سټېشنونو په اړه څېړنه (CORS Station)، فوتوگرامتری او تطبیقی جیودیزی.

کارمندان (Staff)

نوم او تخلص: محمد رسول رسولی

 د دندیعنوان: لابرانت انجنیر

ایمل آدرس: mrasoolfahim@gmail.com

د اړیکی شمیره: 0799350006

 

تحقیقات (Research)

د جیودیزی انجنیری څانګي څیړنیزه حوزه/ساحه (Research Areas)

1. د هېواد د ملي او نړیوالو سرحدونو ټاکنه او ساتنه:

د عصري جیودیزي ټکنالوژیو په کارولو سره د هېواد د سرحدي کرښو دقیق ټاکل، نښه‌ګذاري او څارنه، تر څو د هېواد د ځمکنۍ بشپړتیا ساتنه وشي.

2. د ملي جیودیتیک بنسټ رامنځته کول:

د نړیوالو ستندردونو سره سم د ملي جیودیزي شبکو څېړنه، طرحه او تطبیق، تر څو د هېواد په کچه د ټولو انجنیري او نقشه‌بردارۍ فعالیتونو لپاره یو واحد (پلاني او ارتفاعي) مختصاتي مرجع برابر شي.

3. د زیربنایي پروژو معلوماتي ملاتړ:

د دقیقو جیودیزي اندازه‌ګیرنو ترسره کول د بېلابېلو مقیاسونو د توپوګرافیک نقشو د برابرولو په موخه، چې د سړکونو، بندونو او د اوبو لګولو شبکو په څېر لویو پروژو د طرحې او تطبیق لپاره بنسټیزې نقشې ګڼل کېږي.

4. د ملکیتونو مدیریت او ثبت (کادستر):

د دقیقو جیودیزي اندازه‌ګیرنو له لارې د کادستري پلانونو چمتو کول د مطلوب دقت سره، تر څو دولتي، خصوصي او عامه ملکیتونه منظم او رسمي شي.

5. اتومات او یوپارچه څارنیز سیستمونه:

د یوپارچو او خودکارو څارنیزو سیستمونو څېړنه او پراختیا د جیودیزي سینسرونو (لکه دایمي GPS وسایل، روبوټیک توتال سټېشنونه او نور) په نصبولو سره پر حساسو تاسیساتو لکه برجونو، پلونو، تونلونو او بندونو، د هغوی د ارزونې، څارنې، د معلوماتو د تحلیل او د بحران د مدیریت لپاره د پر وخت خبرتیاوو د ورکولو په موخه.

6. د بدلونونو ماډل‌سازي او وړاندوینه:

د ترسره شوو اندازه‌ګیرنو له معلوماتو څخه د ریاضيکي او کمپیوټري ماډلونو جوړول، د ودانیو او برجونو د عمودي حالت ارزونه، همدارنګه د بندونو د رسوباتو اندازه، د سمندرونو د ساحلي غاړو د تخریب کچه او نور، او د دغو پدیدو د راتلونکو تمایلاتو وړاندوینه د پلان‌ جوړونې او پالیسۍ لپاره.

7. ستندرد جوړونه او کالیبریشن:

د اندازه‌ګیرۍ د وسایلو (لکه توتال سټېشن، GPS دستګاوې او نور) د دقت د باوري کولو لپاره څېړنه او د پایلو د راپور ورکولو معیاري طریقو رامنځته کول، تر څو معلومات په ملي او نړیواله کچه د باور وړ او د پرتله کېدو وړ وي.

8. درې‌بعدي نقشه‌برداري او لېزر سکنینګ (D & LiDAR Mapping):

د ځمکنیو، هوایي او ډرون لېزر سکنرونو کارونه د ساختماني پروژو، طبیعي چاپېریال او کانونو د پروژو د دقیقو درې‌بعدي ماډلونو د تولید لپاره، د پلان‌ جوړونې او د پروژو د مدیریت په موخه.

9. د GIS او ریموت سنسینګ کارونه د مکاني معلوماتو د تحلیل لپاره:

د جغرافیایي معلوماتو سیستم (GIS) او سنجش له لرې څخه د مکاني معلوماتو د تجزیې او تحلیل په موخه کارول.

 

 

 

علمي پروګرامونه (Programs)

د لیسانس پروګرامونه (Undergraduate Programs)

EG	Engineering Geodesy

 

تعلیمی موخي (Program Learning Objectives)

1. د اسلام د اصولو او قوانینو (عقیدوي، اقتصادي او اداري نظام) ښه درک؛
2. د جیودیزی انجنیري د اساسي مفاهیمو او اصولو درک؛
3. د معلوماتو راټولولو او پروسس کولو سره آشنایي؛
4. د جیودیزی انجنیري ځانګړو سافټویرونو په کارولو کې مهارت ترلاسه کول د معلوماتو د تحلیل لپاره؛
5. د جیودیزي فعالیتونو کارونه په حقیقي ستونزو کې پلي کول؛
6. د چاپېریال د اغیزو او د ټکنالوژۍ رول په دوامداره پرمختګ کې د پوهاوي لوړول.

د پروګرام تعلیمي پایلې (Program Learning Outcomes)

1. د جیودیزی انجنیري د علم په کارولو سره مهارتونه ترلاسه کول؛
2. د نوې میتودونو په کارولو سره د جیودیزی انجنیري اړوند فعالیتونو د تحلیل او ستونزو د حل وړتیا ترلاسه کول (د ځمکې، ځمکې لاندې او هوایي نقشه‌برداري)؛
3. د جیودیزی انجنیري اړوند ستونزو پېژندنه، تحلیل او حل کول؛
4. د جیودیزی انجنیري اړوند اړتیاوو لپاره د مسلکي فعالیتونو د طرحې او ډیزاین وړتیا رامنځته کول؛
5. د ټولو ډولونو انجنیري ودانیو د پلان جوړونې، پروژې جوړونې، ساتنې او ګټې اخیستنې لپاره د جیودیزی انجنیري فعالیتونو تطبیق وړتیا؛
6. د عصري نقشه‌بردارۍ وسایلو او د جیودیزی انجنیري اړوند سافټویرونو کارول؛
7. د مسلکي او تخصصي نوښتونو د ښکاره کولو وړتیا ترلاسه کول.

 

د مافوق لیسانس برنامه (Postgraduate Programs)

M. ES	Engineering Survey

 

تعلیمی موخي (Program Learning Objectives)

د ماسټرۍ دورې لپاره د انجنیري سروی پروګرام هدف دا دی چې د انجنیري علم او مسلکي مهارتونو روزنه او وړاندې کول د افغانستان د خلکو د ښو عنعناتو او د انجنیري نظام له غني میراث، او د نړیوالو معیاري علم پر بنسټ ترسره شي، تر څو متخصص او متعهد انجنیران وروزل شي چې په ملي او نړیواله کچه د لاندې برخو اړتیاوې پوره کړي. په تعلیمي دوره کې محصلین باید لاندې موضوعات زده کړي:

1. په سروی انجنیري کې د مسلکی علم مؤثره کارونه؛
2. د نوو میتودونو په کارولو سره د ستونزو تحلیل او د اړوندو فعالیتونو ترسره کول؛
3. د ټولنې د اړتیاوو سره سم د مسلکي فعالیتونو د طرحې او ډیزاین روزنه؛
4. د علمي څېړنو پر بنسټ د ستونزو حل زده کړه د تخصصي او مسلکي پوهې او تجربو په کارولو؛
5. د سروی انجنیري فعالیتونو پلي کول، چې پکې پلان جوړونه، اندازه‌ګیرنه، پروژې جوړونه، د انجنیري چارو تطبیق پر مهال د ودانیو طرحه، جوړونه، ساتنه او ګټې اخیستنه شامل دي؛
6. په انجنیري فعالیتونو کې د تخصصي او مسلکي نوښتونو رامنځته کول او څرګندول.

 

 

د پروګرام تعلیمي پایلې (Program Learning Outcomes)

د دې څانګې د بشپړولو په پایله کې، محصلین باید وړتیا ولري چې لاندې عملي فعالیتونه ترسره کړي:

1. په ټولو هغو فعالیتونو کې چې د سروی انجنیري سره تړاو لري، د تخصصي علم مؤثره کارونه؛
2. د نوو او علمي میتودونو په کارولو سره د سروی انجنیري اړوند ستونزو پېژندنه، تحلیل او حل؛
3. د ملي او نړیوالو اړتیاوو سره سم د مسلکي فعالیتونو طرحه او پلان جوړونه؛
4. د انجنیري سروی فعالیتونو ترسره کول، چې پکې پلان جوړونه، اندازه‌ګیرنه، د پروژو تطبیق، ساتنه او د ټولو ډولونو ودانیو او انجنیري پروژو ګټه اخیستنه شامل دي؛
5. د تخصصي پوهې او تجربو په کارولو سره د عملي او څېړنیزو ستونزو حل، او په دې ترڅ کې د مسلکي او تخصصي نوښتونو څرګندول؛
6. د جیودیزی څانګې او د جیودیزی انجنیري اړوندو نورو فعالیتونو کې د متخصص په توګه کار کولو وړتیا.

ټول کورسونه (All Courses)

اسلامي تمدن د کریډیټ شمېره: ۲ د مضمون ډول: اساسي د "اسلامي تمدن" مضمون د ماسټرۍ برنامې یو له اساسي او مهمو مضمونونو څخه دی چې د بحث موضوع یې د اسلامي تمدن لنډ تاریخ، د نړۍ په تمدن او پرمختګ کې د مسلمانانو رول او په بېلابېلو برخو کې د اسلامي تمدن هر اړخیزه پېژندنه ده. له غربي تمدن سره يې پرتله او د اسلامي تمدن برتري او اسلامي تمدن د نړۍ لپاره د مخکښ او نړۍ لپاره د ستونزو د حل تمدن دی، د اسلامي تمدن رکنونه او ځانګړنې، د پیغمبر -صلی الله علیه وسلم- او خلفای راشدینو -رضي الله عنهم- له وخت څخه تر وروستیو دورو پورې د اسلامي تمدن تاریخي بحث، د مسلمانو پوهانو معنوي او مادي نوښتونه او پرمختګونه، ښار جوړونه، په اړوندو ځمکو کې د مسلمانانو لخوا د ودانیو جوړول، د مسلمانانو لخوا د مدنیتونو ترمنځ د زمینې برابرول، د نړۍ پر تمدن د دې مدنیت اغېز او د مسلمانانو صعود او د زوال لاملونه یې د بحث موضوعات دي، نو اړينه ده چې د ماسټرۍ د ټولو څانگو محصلان اسلامي تمدن وپېژني او پر غربي تمدن يې برتري حس کړي.

د تحقیق میتودولوژی د کریډیټ شمېره: 3 د مضمون ډول: اساسی څېړنه د معلوماتو (شمېرو) د راټولولو او تحلیل پروسه ده، د دې موخه د حقایقو موندل یا د ستونزو ژوره درک دی. په بله وینا، د څېړنې میتودولوژي په یوه ټاکلي طریقه او د ثابتېدونکو حقایقو په کارولو سره یوه پوښتنه ځوابوي یا ستونزه حلوي. په پایله کې، د څېړنې نتایج د علمي اثر په توګه د تیزس، رسالې، علمي مقالې یا د علمي کنفرانس په بڼه چاپ یا ثبت کېږي. دا مضمون محصلین د علمي څېړنې له مفاهیمو، اصولو او اساسي مراحلو سره آشنا کوي، او د دې مضمون عمومي هدف د محصل د وړتیا لوړول دي، تر څو وکولی شي یو معتبر علمي څېړنه ډیزاین، ترسره او وړاندې کړي.

د ابن خلدون عُمراني اندونه د کریډیټ شمېره: 3 د مضمون ډول: اساسی دا مضمون د ماسټرۍ پروگرام له مهمو اساسي مضمونونو څخه دی، څرنګه چې اسلام يو کامل او د انساني  ژوند ټولو مادي او معنوي برخو ته شامل دین دی او د تاریخ په اوږدو کې مسلمان علماوو تل هڅه کړې ده؛ چې د انسان د ژوند په بېلابېلو اړخونو کې د اسلامي اصولو او لارښوونو سره سم خپل افکار وړاندې کړي. ابن خلدون هم یو له سترو مسلمانو مفکرینو څخه دی چې هغه په خپله مقدمه کې د ټولنیزو، روزنيزو او عُمراني علومو اړوند مختلف نظریات وړاندې کړي دي. لکه: ټولنیز، تعليمي، تربيتي، اقتصادي، سياسي عُمراني او داسې نور، پر همدې اساس د ټولنيزو او روزنيزو علومو محصلانو لپاره اړینه ده چې ياد کتاب ولولي.

جیودیزی انجنیری د کریډیټ شمېره: 3 د مضمون ډول: مسلکی مضمون جیودیزی انجنیری به‌عنوان یکی از شاخه‌های تخصصی و تطبیقی علوم جیوماتیک، نقش بنیادی در طرح‌ریزی، طراحی، تطبیق، و مدیریت پروژه‌های زیربنایی و عام‌المنفعه ایفا می‌کند. این مضمون به مطالعهٔ اصول، روش‌ها و کاربردهای عملی جیودیزی در مراحل مختلف سروی، طراحی، اعمار و مدیریت پروژه‌های ساختمانی می‌پردازد. هدف اصلی آن ارتقای درک محصلان از نقش کار های ساحوی جیودیزیکی در مدیریت و نظارت تخنیکی پروژه‌ها و تجهیز آنان با مهارت‌های لازم در کاربرد تکنالوجی‌های مدرن نقشه‌برداری است.

تیوریکی جیودیزی د کریډیټ شمېره: 2 د مضمون ډول: مسلکی دا لومړی تخصصي کورس (مضمون) د لویو ځمکو په کچه د دقیقو اندازه‌ګیرنو په برخه کې دی، چې پکې د ځمکې کرویت په پام کې نیول کېږي. دغه مضمون د انجنیري جیوماتیک د مسلکي او اساسي مضامینو له ډلې شمېرل کېږي او په لیسانس دوره کې په درې سمسترونو تدریس کېږي. په دې مضمون کې لاندې موضوعات زده کېږي او تحلیل کېږي: د عمودي خط انحراف، د اندازه‌ګیرۍ میتودونه او د محاسبې لارې، د ریدکشن ستونزې، ارتفاعي سیستمونه، نیولمان ستورونومیکي–جیودیزیکي او ستورونومیکي–ګراویمتریکي سیستمونه، بېلابېل مختصاتي سیستمونه، او د جیودیزي اساسي ستونزې حل (مستقیمه او معکوسه مسئله).

فوتوگرامتری انجنیری د کریډیټ شمېره: 2 د مضمون ډول: مسلکی د انجنیري جیوماتیک په رشته کې د اساسي مضامینو له ډلې دی او د نوې نقشه‌بردارۍ ټکنالوژیو او مکاني تحلیلونو پراخه ساحه رانغاړي. دغه علم د ځمکې د فزیکي او چاپېریالي عوارضو په اړه دقیق او باوري معلومات د ترلاسه کولو هنر او ټکنالوژي ده، چې د عکسونو او نورو تصویري معلوماتو د ثبت، اندازه‌ګیرنې او تحلیل له لارې چې د برښنا مقناطیسي انرژۍ پر بنسټ وي، ترلاسه کېږي. فوتوګرامېټري په عمومي ډول د عکسونو او انځورونو په تحلیل ولاړه ده او د یو منځ‌رشته‌ای علم په توګه د ریاضیاتو او فزیک پوهې څخه استفاده کوي. له بلې خوا، هنري اړخ یې په عکاسي او هوایي عکسبرداري کې دی، او تخنیکي او ټکنالوژیک اړخ یې د پرمختللو صنعتي او ډیجیټلي سیستمونو او وسایلو په کارولو د تصویري معلوماتو د راټولولو او پروسس کولو پر بنسټ دی. په دې مضمون کې، محصلین د هوایي عکسبرداري د پلان جوړونې، د پرواز د ارتفاع او مقیاس محاسبې، د انځورونو پوښښ، د پروژې مالي محاسبې او مهالویش، او همدارنګه د لرې سنجش اصول او کارونې، د برښنا مقناطیسي طیف او رنګ سیستمونو سره آشنا کېږي. همدارنګه، هغوی د مختلفو برخو لکه ځمکنې علومو، کرنې، د اوبو سرچینو او چاپېریال په اړه د تصویري معلوماتو تحلیل او تفسير وړتیا ترلاسه کوي.

د جغرافیایی تحلیل تخنیکونه د کریډیټ شمېره: 3 د مضمون ډول: مسلکی دغه مضمون د دې لپاره ترتیب شوی چې محصلین د جغرافیایي اطلاعاتو سیستم (GIS) اساسي مفاهیمو او عملي کارونو سره آشنا کړي، په ځانګړې توګه د مکاني او جغرافیایي تحلیلونو په برخه کې. په دې مضمون کې، محصلین د جغرافیایي معلوماتو د جوړښت او ډولونو (ویکتوري او رستري)، د مختصاتي سیستم، توپولوژي، او د مکاني معلوماتو د تحلیل اصولو (لکه پوښښ، شبکوي او فاصله‌ای تحلیل) سره آشنا کېږي. همدارنګه، د څو معیاري پریکړې میتودونه لکه AHP او TOPSIS زده کوي او عملي مهارتونه په تولید، ایډیټ او تحلیل د جغرافیایي معلوماتو ترلاسه کوي. همدارنګه، محصلین زده کوي چې څنګه معلومات د نقشو او ډیجیټلي ماډلونو (DTM, DEM) په بڼه تحلیل کړي او په ښارني، هایدرو لوژیکي او مکاني پلان جوړونې چارو کې یې وکاروي.

کدستر د کریډیټ شمېره: 2 د مضمون ډول: مسلکی دا مضمون د ماستري دورې محصلینو د کادستر له علمي او تخنیکي مفاهیمو، جوړښت او میتودونو سره د بلدتیا په موخه طرحه شوی دی. د دې مضمون اساسي هدف د ځمکې د مدیریت په برخه کې د هراړخیزې پوهې وړاندې کول، د مکاني معلوماتو راټولول او تحلیل، او د سروې او د املاکو د ثبت په چارو کې د معاصرو ټکنالوژیو کارونه دي. د کادستر مضمون د قوانینو، نظري مفاهیمو او عملي مهارتونو یوه ګډه مجموعه ده چې د جیودیزي، جغرافیایي معلوماتي سیستمونو (GIS)، لېرې سنجش او فوتوګرامتري برخې رانغاړي، او د معاصرو ځمکنۍ مدیریت سیستمونو د پراختیا او علمي څېړنو په برخه کې مهم رول لوبوي.

ریاضیکی کارتوگرافی د کریډیټ شمېره: 2 د مضمون ډول: مسلکی کارتوګرافي د جیوماتیک د څانګې له اساسي او مهمو مضامینو څخه شمېرل کېږي، چې د نوې ټکنالوژۍ پراخه برخه په ځان کې رانغاړي. دا علم په عمومي ډول د نقشو د برابرولو او ترتیبولو پر بنسټ ولاړ دی. په بل عبارت، کارتوګرافي هغه علم، هنر او تخنیک دی چې د معلوماتو د راټولولو او پروسس له لارې د نقشو طرحه او ترتیب، د کارتوګرافیکو محصولاتو کارونه، د نقشو عمومي کول (جنرالیزېشن)، د نقشو ګرافیکي بڼه او رنګول، همدارنګه د نقشو چاپ او تکثیر تر پوښښ لاندې نیسي. ریاضیکي کارتوګرافي (Mathematical Cartography) د کارتوګرافۍ له بنسټیزو څانګو څخه ده، چې د نقشو د ریاضیکي اساساتو اړوند موضوعات په عمومي او هراړخیز ډول پکې تر مطالعې او څېړنې لاندې نیول کېږي. په دې برخه کې د ریاضیاتو، فوتوګرامتري او جغرافیایي معلوماتي سیستمونو (GIS) له علومو څخه پراخه استفاده کېږي.

ستلایت جیودیزی د کریډیټ شمېره: 2 د مضمون ډول: مسلکی ستلایټ جیودیزي د جیوماتیک د علم له څانګو څخه ده چې د سپوږمکۍ مشاهداتو په کارولو سره د نقطو موقعیت اندازه کوي، ټاکي او تحلیلوي، او همدارنګه د ځمکې بڼه او ابعاد مطالعه کوي. دا کورس په داسې ډول طرحه شوی دی چې د ماستري دورې محصلین د موقعیت موندنې سپوږمکيو له لارې د جیودیزیکي اندازو له نوې میتودونو او د هغو له علمي او تخنیکي کاربردونو سره د جیودیزۍ په بېلابېلو برخو کې بلد کړي، او د نوې جیودیزیکي څېړنو په برخه کې بنسټیز رول ولوبوي.

پروګرام لیکنه د کریډیټ شمېره: 2 د مضمون ډول: مسلکی پروګرام‌نویسي له بنسټیزو مضامینو څخه ده چې د پروګرام‌نویسۍ له اساسي مفاهیمو سره د بلدتیا لپاره طرحه شوې ده، او په دې مضمون کې د پروګرام‌نویسۍ د ژبو بنسټیز اصول هم تدریس کېږي. په دې مضمون کې د پروګرام‌نویسۍ ژبې او اړوندو وسایلو کارونه د جغرافیایي معلوماتو د مدیریت، تحلیل او ښودنې لپاره تر بحث لاندې نیول کېږي. دا پروګرام‌نویسي متخصصینو سره مرسته کوي، تر څو د وکتوري او رستري معلوماتو د پروسس اړوند ځانګړي کارونه په چټک او اتومات ډول ترسره کړي، د معلوماتو د تحلیل پېچلي ماډلونه طرحه کړي، او همدارنګه سفارشي GIS سیستمونه رامنځته کړي.

ریموت سینسنګ د کریډیټ شمېره: 3 د مضمون ډول: مسلکی ریموت سینسنګ څخه د دې رشتې له مسلکي مضامینو څخه ګڼل کېږي، چې د جغرافیایي معلوماتي سیستمونو او ریموت سینسنګ د څانګي له خوا تدریس کېږي. ریموت سینسنګ څخه د جیوماتیک په څانګو کې د نوې ټکنالوژۍ پراخه برخه رانغاړي او هغه علم او ټکنالوژي ده چې د یوه شي، سیمې یا پدیدې په اړه د رقمي شمېرو او یا رقمي انځورونو د تحلیل له لارې، پرته له مستقیم فزیکي تماس څخه معلومات تر لاسه کوي. دا مضمون تیوریکي او عملي درسونه لري، چې محصلین به د ریموت سینسنګ څخه د تیوریکي اصولو او د سپوږمکۍ انځورونو د پروسس له زده‌کړې وروسته، د اړوندو سافټویرونو په کارولو سره سپوږمکۍ انځورونه پروسس کړي، د تېروتنو تر سمون او مقدماتي تفسیر وروسته به د انځورونو د پروسس او وروسته پروسس میتودونه د مکاني معلوماتو د استخراج لپاره وکاروي، او د جغرافیایي معلوماتو د تر لاسه کولو په موخه به بېلابېل ډول نقشې چمتو کړي.

د پروژه مدیریت د کریډیټ شمېره : 2 د مضمون ډول: مسلکی د پروژې مدیریت د ځانګړو اهدافو د ترلاسه کولو لپاره د سرچینو د پلان کولو، تنظیم کولو، اجرا کولو او کنټرول لپاره یو له اړینو وسیلو څخه دی. دا مضمون زده کونکي د مختلفو اقتصادي، ټولنیزو او زیربنایی سکتورونو کې د پروژې مدیریت مفکورو، اصولو، میتودونو او غوښتنلیکونو سره آشنا کوي. نن ورځ، د پروژې مدیریت نه یوازې په سروې، ساختماني او صنعتي پروژو کې، بلکې د ټیکنالوژۍ، کرنې، بانکدارۍ او ټولنیزو خدماتو په برخو کې هم مهم رول لوبوي. د تاریخي اثارو لکه د مصر اهرامونو او کجکي بند څخه تر افغانستان کې معاصرو پروژو پورې، دا ښودل شوې چې د هر لوی فعالیت بریالیتوب د وخت، لګښت او سرچینو اغیزمن مدیریت پورې اړه لري. دا مضمون زده کونکو ته د پروژې د ژوند دورې جامع پوهه چمتو کوي، د ډیزاین او پلان کولو مرحلې څخه تر ارزونې او تړلو پورې، ترڅو دوی وکولی شي په راتلونکي کې ملي او نړیوالې پروژې په علمي او مؤثره توګه رهبري کړي.

جیومورفولوجی د کریډیټ شمېره: 2 د مضمون ډول: انتخابی جیومورفولوژي د جیولوژي یو له بنسټیزو څانګو څخه دی چې د معاصرو علومو پراخه لړۍ پکې شامله ده. د جیومورفولوژي کلمه یوناني ریښې لري او د ځمکې د سطحې د جوړښت یا جوړښت ساینس استازیتوب کوي . ډیری پوهان د سمندر د سطحې مطالعه د دې ساینس پر بنسټ ګڼي.پروفیسور ووسټر، د جیومورفولوژي (۱۹۳۹) مشهور لیکوال، دا ساینس په لاندې ډول تعریف کړی دی : جیومورفولوژي هغه ساینس دی چې د ځمکې د سطحې لوړوالی او کمښتونه (ریلیف) تشریح او تحلیل کوي . د دې تعریف له مخې، د ودانیو اصل ، د غرونو شکل، د ځمکې په سطحه دښتې، سمندري تختې، لوړې ځمکې او نور جوړښتونه د جیومورفولوژي تر سرلیک لاندې مطالعه کیدی شي .راحت د ځمکې په سطحه د ځانګړتیاوو یوه ټولګه ده چې یو ځانګړی جیولوژیکي جوړښت لري . د راحت ځانګړتیاوې مثبت (د ځمکې په سطحه لوړوالی) یا منفي (خپګان او خپګان ) کیدی شي.دا موضوع د دې پروګرام په نصاب کې د زده کونکو د علمي او عملي مهارتونو د لوړولو لپاره شامله شوې ده . پدې کورس کې به د مختلفو ځمکنیو بڼو اصل، د جیومورفولوژیکي اساسي میتودونه، د هوایی عکسونو تفسیر او جیومورفولوژیکي نقشې تدریس شي.د ځمکې د سطحې د تسکین د جوړښت، اصل، د پرمختګ تاریخ او معاصر متحرکاتو مطالعه ، یا په بل عبارت، زده کونکو ته د پیچلو جیولوژیکي مسلو او پروسو سره آشنا کول چې د ځمکې د تسکین بڼو په جوړولو کې رول لوبوي .

چاپیریال ساتنه د کریډیټ شمېره : 2 د مضمون ډول : انتخابی دا کورس د چاپیریال یوه جامع کتنه وړاندې کوي او زده کونکو ته د چاپیریال انجینرۍ او د چاپیریال سره د انسان تعامل اساسي مفاهیمو سره معرفي کوي. دا کورس د ایکولوژي او ایکوسیستمونو، د هوا او اوبو کیفیت، د فاضله اوبو درملنه، د جامدو او خطرناکو موادو مدیریت، د ککړتیا کنټرول، د غږ ککړتیا، د چاپیریال اغیزې ارزونه، د نفوس وده، ښاري کول، د طبیعي سرچینو مدیریت، او د چاپیریال قوانین او پالیسۍ په څیر موضوعات پوښي. دا د ډله ایز توازن، د عکس العمل کینیټکس، د ریکټر ډیزاین او د اوبو، هوا، او د ضایعاتو مدیریت سیسټمونو، او د ککړتیا کنټرول ټیکنالوژۍ په څیر موضوعات هم پوښي. دا کورس زده کونکو ته د چاپیریال ستونزو په اړه ساینسي پوهه چمتو کوي او د چاپیریال د اغیزمن ساتنې او مدیریت لپاره دوامداره حلونه وړاندې کوي .

د GPS کارونه د کریډیټ شمېره: 3 د مضمون ډول: انتخابی دا مضمون محصلان د نړيوال موقعيت‌يابۍ سيستم (GPS) له بنسټيزو اصولو، د کار کولو طريقو او عملي تطبيقاتو سره بلدوي. محصلان د GPS له جوړښت او اساسي اجزاوو، د مختصاتو او وخت سيستمونو، فضايي او کنترولي سگمنټونو، د موقعيت‌يابۍ له بېلابېلو ډولونو مطلق، تفاضلي، نسبي او PPK)) او اړوندو خطاوو له سرچينو سره آشنا کېږي. همدارنګه د GPS د ډيټا د پروسس طريقې، اړوند سافټويرونه او د GPS تطبيقات په توپوګرافي نقشه‌بردارۍ، GIS، او انجينري او هايډروتخنيکي پروژو کې تر بحث لاندې نيول کېږي. دا درس محصلانو ته هغه عملي او علمي مهارتونه برابروي چې د GPS څخه د انجينري، څېړنيزو پروژو او د ځمکې د مديريت په برخه کې په اغېزمنه توګه استفاده وکړي..

د ځمکی لاندی سروی د کریډیټ شمېره: 3 د مضمون ډول: انتخابی د ځمکې لاندې سروی د جیوماتیک علومو له بنسټیزو مضامینو څخه ګڼل کېږي. دا دوره محصلانو ته د هغو اصولو، میتودونو او ټکنالوژیو په اړه ژوره پوهه ورکوي چې د ځمکې لاندې نقشه‌بردارۍ کې ترې استفاده کېږي. په دې مضمون کې د محدودو فضاوو لپاره د اندازه‌ګیرۍ او شبکې نقشه‌بردارۍ تخنیکونه او طریقې، د ځمکې لاندې کوردیناتي سیستمونه، د ډیټا راټولول، د ډیټا تجزیه او تحلیل، د خطاوو تحلیل، کوردیناتي سیستمونه، جیودیزیکي کنټرول شبکې، په تونلونو/کانونو/غارونو کې د بدلونونو او کږېدو څارنه، د تونل‌کيندنې پر مهال د مسیر کنټرول، لیزري سکن، او د ځمکې لاندې چاپېریال لپاره د درې‌بعدي ماډل‌سازۍ او نقشه‌بردارۍ تجهیزات تر پوښښ لاندې نیول کېږي.

 

اړیکي (Contact)

پته: د جیودیزي انجینري څانګه، د جیوماتیک انجینرۍ پوهنځی، کابل پولی‌تخنیک پوهنتون

اړیکی شمیره : 0202526421

 

 

لومړی شمیره ضمیمه : د استادانو معلومات

نوم او تخلص: پوهنمل محمد یعقوب سلطانی

محترم محمد یعقوب سلطاني په ۱۳۶۹ لمریز کال کې د لوګر ولایت کې زېږېدلی او په ۱۳۸۷ کال کې د جهادي کلنګار عالي لېسې څخه فارغ شوی دی. نوموړی د کانکور د رقابتي ازموینې له لارې د کابل پولی‌تخنیک پوهنتون د جیولوجي او معادنو پوهنځي (اوسنی د جیوماتیک او کدستر پوهنځی) د جیودیزي انجینرۍ څانګي ته بریالی شوی دی.

هغه په ۱۳۹۳ لمریز کال کې خپلې لوړې زده کړې د جیودیزي انجینرۍ په څانګه کې د لیسانس په کچه او د لوړې درجې سره بشپړې کړې. محترم محمد یعقوب سلطاني په ۱۳۹۴ کال کې د جیوماتیک او کدستر پوهنځي د جیودیزي انجینرۍ څانګي د علمي کادر غړي په توګه د نامزد پوهیالي په بست کې مقرر شو او د نوماندۍ د دورې تر بریالي بشپړېدو وروسته د پوهیالي علمي رتبې ته ارتقا ورکړل شوه.

نوموړي په ۱۳۹۶ کال کې د دوست هېواد ترکیې د آزادو بورسونو سهمیه تر لاسه کړه او د څانګي د موافقې پر بنسټ ترکیې ته ولاړ. هغه د ترکي ژبې یو کلنه دوره او وروسته د ماستري لوړې زده کړې بشپړې کړې او په ۱۳۹۹ کال کې د ترکیې د سامسون ښار د اندوکوز مایس پوهنتون څخه د جیوماتیک انجینرۍ په رشته کې د ماسترۍ سند د لوړې درجې سره تر لاسه کړ او د خدمت د دوام لپاره هېواد ته راستون شو.

نوموړي د علمي ترفیع ټول شرایط او قانوني مراحل تر بشپړېدو وروسته له پوهیالي څخه د پوهنیار علمي رتبې ته ارتقا وکړه او په ۱۴۰۲ کال کې د ټولو شرایطو تر تکمیل وروسته د پوهنیار له رتبې څخه د پوهنمل علمي رتبې ته ترفیع وموندله. موصوف د ۱۴۰۳ لمریز کال د حمل له میاشتې راهیسې د جیودیزي انجینرۍ د څانګي د آمر په توګه دنده ترسره کوي او سربېره پر دې چې په اوو علمي کنفرانسونو کې یې ګډون کړی، د ملي او نړیوالو کچو اووه چاپ شوي علمي ـ تحقیقي اثار هم لري.

محترم محمد یعقوب سلطاني د استادۍ په دوران کې بېلابېل مضامین لکه د سروېنګ اساسات، AutoCAD، Civil 3D، د انجینرۍ مبادیات، GIS او کدستر تدریس کړي دي او دا مهال هم د جیودیزي انجینرۍ د څانګي د استاد او آمر په توګه په دنده بوخت دی.

څېړنیزې لارې یا د څېړنې ساحې

نقشه برداری، فوتوگرامتری او د اطلاعاتو جغرافیایی سیستم

علمی اثار (Publications)

علمی مقالات (Journal Publications)

1. M. Y. Sultani and A. B. Azizi, “A Comparative Analysis of Turkey's and Iran's Land Management Systems and Technological Infrastructure,” Journal of Mechanical, Civil & Industrial Engineering, vol. 5, no. 1, 2024.
2. M. Y. Sultani and A. Şişman, “Kadastro 2014 İlkelerine Göre Afganistan Kadastrosunun İncelenmesi,” Türkiye Arazi Yönetimi Dergisi, vol. 2, no. 2, pp. 41–47, 2020.
3. Q. A. Aria, M. Y. Sultani, and L. A. Safari, “Assessing the impact of LULC changes on groundwater quality in Kabul City using geostatistical analysis and remote sensing (2017–2022),” Proc. Int. Water Conf. (IWC), Kabul, 2025.
4. M. K. Sirat, S. J. Tamim, M. Y. Sultani, and M. A. Saraj, “Comparative Analysis of Vegetation Change Detection Using the Normalized Difference Vegetation Index and Support Vector Machine Algorithm Based on Landsat-8 Data: A Case Study of Bamyan City,” KPU International Journal of Engineering and Technology (KPU-IJET), 2025.
5. ا. سراج، م. ی. سلطانی، «انتخاب درون برای نقشه برداری توپوگرافیکی نظر به اراضی»، مجله علم و تکنولوژی، پوهنتون پولی‌تخنیک کابل، 1401.
6. م. ی. سلطانی، م. ا. سراج، و ق. ا. آریا، «بررسی استفاده از فوتوگرامتری بردکوتاه در تهیه پلان‌های توپوگرافی»، مجله علم و تکنولوژی، پوهنتون پولی‌تخنیک کابل، 1401.
7. م. ی. سلطانی، م. ا. سراج، «بررسی کار های کدستری برخی ممالک رو به انکشاف آسیایی و انتخاب میتود مناسب تطبیق برای شرایط افغانستان»، مجله علم و تکنولوژی، پوهنتون پولی‌تخنیک کابل، 1401.

مضمونونه (Courses)

د لېسانس دورې درسي مضامین (UG Courses)

1. GE.EG.0214 Elementary Surveying1
2. GE.EG.0314 Elementary Surveying2
3. GE.EG.0837 Cadastre

اړیکي(Contact)

جیودیزی انجنیری څانګه، جیوماتیک انجنیری پوهنځی ، کابل پولی تخنیک پوهنتون ، افغانستان

ایمیل:mysultani@kpu.edu.af

د اړیکو شمیره:0765199288

 

 

نوم او تخلص: محمد انور سراج

پوهاند محمد انور سراج په ۱۳۴۱ هجري لمریز کال کې د کابل ولایت کې نړۍ ته سترګې پرانیستې. نوموړي له ۱۳۴۷ څخه تر ۱۳۵۸ لمریز کال پورې د مکتب دوره بشپړه کړه. په ۱۳۵۸ لمریز کال کې یې د روسي ژبې د چمتووالي دوره د آذربایجان په ښار کې پیل کړه او وروسته په ۱۳۵۹ لمریز کال کې د مسکو د معادنو پوهنتون ته شامل شو. نوموړي په ۱۳۶۴ لمریز کال کې په بریالیتوب سره د ماستري سند تر لاسه کړ او هېواد ته راستون شو.

له فراغت وروسته، نوموړي له ۱۳۶۴ څخه تر ۱۳۷۶ لمریز کال پورې د اوبو او برېښنا د انجنیري او مشورتي خدماتو په ریاست کې د عمومي انجنیري، سروی او تحقیقاتو د مدیر په توګه دنده ترسره کړه. په ۱۳۷۶ لمریز کال کې د پولی‌تخنیک پوهنتون د جیولوجي او معادنو پوهنځي (چې اوس د جیوماتیک انجنیري پوهنځی بلل کېږي) د جیودیزي انجنیري څانګه کې د نوماند پوهنیار په توګه مقرر شو. یو کال وروسته یې د نوماندۍ دوره پای ته ورسېده او د پوهنیار علمي رتبې ته ارتقا وموندله. همدارنګه، په ۱۷/۸/۱۳۸۴ لمریز کال د پوهنمل، په ۱۰/۱۰/۱۳۹۰ لمریز کال د پوهندوی، په ۱/۲/۱۳۹۴ لمریز کال د پوهنوالۍ او په ۱۳۹۷ لمریز کال د پوهاند علمي رتبې ته ورسېد.

نوموړي له ۱۳۷۶ لمریز کال څخه تر اوسه پورې د پولی‌تخنیک پوهنتون د جیودیزي انجنیري څانګه کې د استاد په توګه دنده ترسره کړې ده. همدارنګه، له ۱۳۹۵ څخه تر ۱۳۹۹ لمریز کال پورې د همدې څانګي د آمر او د جیوماتیک او کدستر پوهنځي د مرستیال په توګه یې وظیفه ترسره کړې ده. له ۱۳۹۹ لمریز کال راهیسې تر اوسه د جیوماتیک انجنیري پوهنځي د رئیس په توګه فعالیت کوي.

تر اوسه پورې یې د جیوماتیک په برخه کې پنځه درسي تألیفي کتابونه، چې پکې د جیودیزۍ اساسات (لومړی او دوهم)، فوتوګرامتري، د نیکان الکترونیک تکیومتر او د سوکیا تکیومتر شامل دي، لیکلي دي او له ۲۲ څخه زیات ملي او نړیوال علمي–تحقیقي مقالې یې چاپ کړې دي. نوموړي له ۱۳۹۵ څخه تر ۱۴۰۳ لمریز کال پورې د لوړو زده‌کړو وزارت د کیفیت د تضمین د بورډ غړی پاتې شوی دی. همدارنګه، له ۱۳۹۷ لمریز کال راهیسې تر اوسه د نړیوالې جیودیزستانو د سازمان غړیتوب لري او د استانبول او ویتنام په نړیوالو کنفرانسونو کې یې ګډون کړی دی.

د څېړنې لارې یا د څېړنې ساحې

جیودیزی انجنیری، فوتوګرامتری او د جیودیزۍ اړوند څانګې

علمی اثار (Publications)

علمی مقالات (Journal Publications)

1. Sirat,M. K. Tamim S. J., Sultani,M. Y. and Saraj,M. A. “Comparative Analysis of Vegetation Change Detection Using the Normalized Difference Vegetation Index and Support Vector Machine Algorithm Based on Landsat-8 Data: A Case Study of Bamyan City,” KPU International Journal of Engineering and Technology (KPU-IJET), 2025.
2. Korkovelos  ,A Mentis,. D. Bazilian,M. Howells,M. Saraj,A. Sulaiman,F. Supporting Electrification Policy in Fragile States: AConflict-Adjusted Geospatial Least Cost Approach for Afghanistan. MDPI. 2020.
3. Ahmade,K. Sahak.S. Azizy.B. . Saraj. A.Sahak. T. Analyzing Flood Damage and Mapping Flood Hazard Zones Using AHP Model: A Case Study of Pol-e-Alam, Logar Province, Afghanistan, Australian Journal of Engineering and Innovative Technology. 2024.
4. Sahak S. Kasele. F. Saraj.A. Sahak,T. Geospatial Assessment of Urban Sprawl: A Case Study of Herat City, Afghanistan. Journal of Spatial Science. 2024.
5. Sahak.S. Kasele .A . F. Saraj.A. Evaluating the impact of urban sprawl on the urban ecological status using GIS and remote sensing from 2000 to 2021: a case study of Herat City, Afghanistan. Environmental Monitoring and Assessment.2024.
6. فیروزی ر. سراج ،ا . سهاک. ش. ارزیابی آسیب پذیری شهر غزنی در برابر خطر سیلاب با استفاده از سیستم اطلاعات جغرافیایی و روش تحلیل سلسه مراتبی. مجله علم وتکنالوژی پوهنتون پولی تخنیک کابل. 2025.
7. ا. سراج، م. ا. سلطانی، ی.«انتخاب درون برای نقشه برداری توپوگرافیکی نظر به اراضی»، مجله علم و تکنولوژی، پوهنتون پولی‌تخنیک کابل، 1401.
8. سلطانی، م. ی. سراج، م. ا. آریا، و. ق. ا. «بررسی استفاده از فوتوگرامتری بردکوتاه در تهیه پلان‌های توپوگرافی»، مجله علم و تکنولوژی، پوهنتون پولی‌تخنیک کابل، 1401.
9. سلطانی، م. ی. سراج، م. ا. «بررسی کار های کدستری برخی ممالک رو به انکشاف آسیایی و انتخاب میتود مناسب تطبیق برای شرایط افغانستان»، مجله علم و تکنولوژی، پوهنتون پولی‌تخنیک کابل، 1401.
10. سراج، م.ا.دریافت جهت یابی  دوستول کنترولی عمودی معادن وستول اساسی تهویه شمال به اساس سمت کارشده  . مطبع پوهنتون معادن ماسکو. 1985.
11. غ. غرمان ، سراج، م.ا.خصوصیات امور جیودیزیکی هنگام سروی پایپ لین های عمومی وخطوط انتقال برق درشرایط افغانستان، مطبعه پوهنتون پولی‌تخنیک کابل، 1389.
12. سراج، م.ا.تحلیل دیسپیرسیونی خطاهای اندازه گیری درشرایط افغانستان، مطبعه پوهنتون پولی‌تخنیک کابل، 1389.
13. سراج، م.ا.چگونگی کاربرد سیستم موقعیت یابی جهانی    ( G P S)   وتوتا ل ستیشنن(Total Station ) درسروی پایپ لین های عمومی درشرایط افغانستان ، مطبعه پوهنتون پولی‌تخنیک کابل، 1389.
14. سراج، م.ا.دافغانستان په ښاری سیموکی دهوایې عکسوپه مرسته د ملکیتو دقیق کوردینات څرګندول، مطبعه پوهنتون پولی‌تخنیک کابل، 1390.
15. سراج، م.ا.د ناهموارو سیمودهوایی عکسونو اصلاح کول اودهغه څخه ګـټه اخیستل، مطبعه پوهنتون پولی‌تخنیک کابل، 1390.
16. سراج، م.ا.دجوماتودمحرابو دقیق څرګندوالی، مطبعه پوهنتون پولی‌تخنیک کابل، 1390.
17. سراج، م.ا.ناصر، ع. دریافت مسافت توسط GPS در شرایطی افغانستان، مطبعه پوهنتون پولی‌تخنیک کابل، 1390.
18. سراج، م.ا.څرګند ، ش.دافقی مسافی پیدا کولوپرتله دنوی تکنالوجی په مرسته، مطبعه پوهنتون پولی‌تخنیک کابل، 1394.
19. سراج، م.ا.څرګند ، ش. څرنګه یوه فوتو ته کولای شودقیق کوردینات ورکړو، مطبعه پوهنتون پولی‌تخنیک کابل، 1389.
20. سراج، م.ا.څرګند ، ش. دتوتال ستیشن په مرسته ارتفاع پیداکول او دهغه  اشتباه اصلاح کول، مطبعه پوهنتون پولی‌تخنیک کابل، 1393.
21. سراج، م.ا.څرګند ، ش. سروی کدستری با استفاده از سیستم ماهواره ئی وتکنالوجی جدید، مطبعه پوهنتون پولی‌تخنیک کابل، 1394.
22. سراج، م.ا.دتوتال ستیشن په مرسته دمقاطیعوکرښو کارکول او دهغه ارزونه، مطبعه پوهنتون پولی‌تخنیک کابل، 1396.
23. سراج، م.ا.څرګند ، ش. دریافت ساحه آبگیر وحجم کاسه بند با استفاده از سیستم اطلاعات جغرافیایی، مطبعه پوهنتون پولی‌تخنیک کابل، 1396.
24. سراج، م.ا.څرګند ، ش. بررسی تغییر شکل ساختمان های بلند منزل توسط تکنالوجی جدید، مطبعه پوهنتون پولی‌تخنیک کابل، 1396.
25. سراج، م.ا.څرګند ، ش. نقشه های تصویری وکاربرد آن، مطبعه پوهنتون پولی‌تخنیک کابل، 1394.
26. ا. سراج.ناصر، ع. استفاده از تکنالوجی معاصر در دریافت مساحت به طریقه تحلیلی در شرایط افغانستان، مطبعه پوهنتون   پولی‌تخنیک کابل، 1396.
27. سراج، م.ا.استفاده از فوتوگرامتری در بخش طب در شرایط افغانستان، مطبعه پوهنتون پولی‌تخنیک کابل، 1396.
28. سراج، م.ا.کاربرد سیستم موقعیت یابی جهانی جی پی اس و توتال ستیشن  در تاسیس اساسات پلانی و ارتفاعی ساختمان های خطی، مطبعه پوهنتون پولی‌تخنیک کابل، 1396.
29. سراج، م.ا.بررسی استفاده از فوتوگرامتری برد کوتاه درتهیه پلان های توپوگارفی، مطبعه پوهنتون پولی‌تخنیک کابل، 1401.
30. سراج، م.ا.انتخاب درؤن برای نقشه بردای توپوگرافیکی نطر به ارضی، مطبعه پوهنتون پولی‌تخنیک کابل، 1401.
31. سراج، م.ا.بررسی کار های کدستری برخی ممالک روبه انکشاف آسیایی واتخاب میتود مناسب برای شرایط افغانستان، مطبعه پوهنتون پولی‌تخنیک کابل، 1401.
32. سراج، م.ا.بررسی تخریبات تشخیص سیلاب ها با استفاده سیستم اطلاعات جغرافیایی ومیتود تحلیل سلسه مراتبی مطالعه موردی ولایت میدان وردک ولسوالی نرخ. ، مطبعه پوهنتون پولی‌تخنیک کابل، 1404.

 

تألیف شوي درسي کتابونه:

1.         سراج ،م.  ا. اساسات جیودیزی. مطبعه قرطبه 1392.

2.         سراج ، م. ا. جیودیزی تطبیقی مطبعه قرطبه 1393.

3.         سراج ، م. ا. تکیومتر الکترونیک Total Station Nikon مطبعه پوهنتون پولی تخنیک کابل،  1396.

4.         سراج ، م. ا. فوتوگرامتری مطبعه پوهنتون پولی تخنیک کابل،  1398.

5.         سراج ، م. ا. تکیومتر الکترونیک Sokkia Total Station مطبعه پوهنتون پولی تخنیک کابل،  1402.

پروژي (Projects)

1. د ښار جوړونې وزارت او د جیوماتیک او کدستر پوهنځي سره په ګډه د پروژې د قیمت‌ګذارۍ پروژه
2. د ښار جوړونې وزارت او د اراضي ریاست کارکوونکو لپاره د تدریس پروژه
3. د اطلاعاتو او فرهنګ وزارت کارکوونکو ته د تاریخي او باستاني آثارو په برخه کې د روزنې (تریننګ) پروګرام
4. د هلمند پوهنتون د معالجوي طب پوهنځي د کادري تدریسي تعمیر لپاره د سروی کارونو تطبیق
5. د بدخشان پوهنتون د معالجوي طب پوهنځي د کادري تدریسي تعمیر لپاره د سروی کارونو تطبیق

مضمونونه (Courses)

د لېسانس دورې درسي مضامین (UG Courses)

1. GE.EG.0417, Auto Cad
2. GE.EG.0517, Civil 3D
3. GE.EG.0626, Fundamental of Photogrammetry
4. GE.EG.0730, Photogrammetry

د مافوق لیسانس دورې درسي مضامین (PG Courses)

1. M.ES.0103, Engineering Photogrammetry
2. M.ES.0114, Research methodology
3. M.ES.0319, Underground Surveying

اړیکه(Contact)

جیودیزی انجنیری څانګه، جیوماتیک انجنیری پوهنځی ، کابل پولی تخنیک پوهنتون ، افغانستان

ایمیل: anwarsaraj@gmail.com

د اړیکی شمیره : 0093700246409

 

 

نوم او تخلص: عبدالبصیر عزیزی

عبدالبصیر عزیزی د عبدالستار زوی، په ۱۳۶۵ لمریز کال کې د فاریاب ولایت د میمنې ښار کې زېږېدلی دی. نوموړي خپلې ابتدايي او ثانوي زده‌کړې د افغانکوت او ابو عبید جوزجاني په مکتبونو کې په لوړو نمرو سره بشپړې کړې دي. وروسته له دې چې د کانکور په ازموینه کې بریالی شو، د کابل پولی‌تخنیک پوهنتون د جیودیزي انجنیري څانګې ته شامل شو او په ۱۳۹۰ لمریز کال کې د لیسانس له دورې فارغ شو.

نوموړی په ۱۳۹۲ لمریز کال کې د علمي کادر ازموینې تر بریالي سپرولو وروسته، د جیودیزي انجنیري څانګي کې د نوماند پوهیالي په توګه شامل شو او د نوماندۍ د دورې تر بشپړېدو وروسته د پوهیالي علمي رتبې ته ارتقا وموندله. په ۱۳۹۳ لمریز کال کې د ماستري لوړو زده‌کړو لپاره د قزاقستان هېواد ته ولېږل شو او په ۱۳۹۶ لمریز کال کې یې د یاد هېواد د عالي انجنیري او سیول انجنیري له اکاډمۍ څخه د جیودیزۍ په څانګه کې د ماستري سند تر لاسه کړ، چې له مخې یې د پوهنیار علمي رتبې ته ورسېد.

نوموړي په ۱۳۹۹ لمریز کال کې د «د افغانستان د ولسوالیو درجه‌بندي او د معاصرو ټکنالوژیو په کارولو سره د هغو نقشو تهیه» تر عنوان لاندې د علمي ـ تحقیقي رسالې په وړاندې کولو سره د پوهنمل علمي رتبې ته ارتقا وموندله. وروسته په ۱۴۰۰ لمریز کال کې د تحصیلي بورس له لارې د روسیې فدراتیف جمهوریت ته ولاړ او په ۱۴۰۴ لمریز کال کې په بریالیتوب سره د دوکتورا له دورې فارغ شو.

نوموړي د دې مودې په ترڅ کې ګڼ شمېر علمي ـ تحقیقي مقالې په نړیوالو ژورنالونو کې خپرې کړې دي او په ملي او نړیوالو کنفرانسونو کې یې فعاله ونډه اخیستې ده. همدارنګه، د جیودیزۍ د اساساتو، جیودیزي انجنیري او عالي جیودیزۍ د مضامینو د تدریس تر څنګ، له شپږو کلونو څخه زیاته کاري تجربه د عمومي نقشې‌بردارۍ د آمر او تخنیکي سلاکار په توګه د ملي او نړیوالو بنسټونو له لوري د مهمو زیربنایي پروژو په تطبیق کې لري.

د څېړنې لارې یا د څېړنې ساحې:

د جیوماتیک علوم د ځمکې د مدیریت په تمرکز سره ، کاداستر

علمی اثار (Publications)

علمی مقالات (Journal Publications)

1. ع. ب. عزیزی، «ایجاد دیتابیس و گویا ‌سازی نقشه‌های توریستی افغانستان»، مجله علم و تکنالوژی پوهنتون پولی‌تخنیک کابل، ۱۳۹۶.
2. ع. ب. عزیزی، «درجه‌ بندی ولسوالی‌های افغانستان و تهیه نقشه‌های آن با استفاده از تکنالوژی معاصر»، مجله علم و تکنالوژی پوهنتون پولی‌تخنیک کابل، ۱۳۹۹.
3. Azizi et al., “Evaluation of Afghanistan’s cadastre based on the vision of Cadastre-2014 (FIG)”, Izvestiya VUZov: Geodesy and Aerophotography, 2024.
4. Azizi et al., “Development of a methodology for assigning cadastral numbers to land plots in Afghanistan”, Geodesy and Cartography, 2025.
5. Azizi et al., “Development of a systematic registration and digitization model for land plots in Afghanistan: case study Kabul city”, Monitoring. Science and Technology, 2025.
6. Azizi et al., “Cadastre of Afghanistan: Problems and Prospects for Solutions”, Proceedings of the VII National Scientific-Practical Conference SGUGiT, 2024.
7. Safari & Azizi, “Analysis and Evaluation of Geodetic Networks of Afghanistan”, Aktualnaya Nauka, 2023.
8. Bankole & Azizi, “Long-Term Urbanization of the Republic of Benin: Case Study of Cotonou”, Geodesy and Cartography, 2024.
9. Sultani & Azizi, “Comparative Analysis of Turkey’s and Iran’s Land Management Systems and Technological Infrastructure”, Journal of Mechanical, Civil and Industrial Engineering, 2024.
10. Ahmadi & Azizi et al., “Flood Damage Analysis and Flood Hazard Mapping Using AHP Model: Case Study of Pol-e-Alam, Logar Province”, Australian Journal of Engineering and Innovative Technology, 2024.

نوم او تخلص: پوهنمل نجیب الله حسن زرمتی

پوهنمل نجیب الله حسن زرمتی د محمد حسن خان زوی په 1362 کال د پکتیا ولایت، زرمت ولسوالی د کوتیخیلو په کلی کی په یوی روشنفکره کورنی کی دی نړی ته سترګی پرانیستی او په 1384 کال کی خپل ټاټوبی د کلالگو لیسه په عالی درجی  پای ته رسولی.

‌‌په 1385 کال کی د کانکور له لاری د پوهنتون په آزموینه  کی ګډون وکړ او د بریا نمرو په اخیستلو یی وکړای شوه خپل تحصیلات د کابل پولیتخنیک پوهنتون د جیودیزی انجنیری حانگه کی پیل کړی او په کال 1389 کی د لسانس په درجه په کادر کی فارغ شو.

په 1391 هجری لمریز کال کی دپولی تخنیک پوهنتون د کادر شاملیدو دپاره یی خپل اسناد تیار کړل او په 1392 هـ. ش. کال د جیولوجی او معدنونو په پوهنځی (اوسنی جیوماتیک اودکدستر پوهنځی ) د جیودیزی انجینری په څانګي کی د نامزد پوهیالی په توګه مقرر شوو . چی تر یو کال وروسته د نامزدی دوره پای ته ورسیده او د پوهیالی د علمی کادر رتبی ته  یی ارتقاء وکړه.

په کال 1393 کی د قزاقستان هیواد د الماتی شار ته ماستری ته ولار او په 1396 کی یی د ماستری سند په لاسته راولو سره هیواد ته راستون شو او ورسره یی د پوهنیار علمی رتبی ته ترفیع وکړه.

په کال 1400 کی یی د رسالی په لیکلو پوهنملی رتبی ته ترفیع وکره او په همدی کال کی د ازاد رقابت بورسیی په لاسته راورلو سره د روسیی هیواد د نووسیبیرسک شار ته د PhD لپاره ولاړ او اوس مهال هلته په لوړو زده کړو بوخت دی.

نوموری له کال 1391  څخه تر اوسه دپولی تخنیک پوهنتون د جیودیزی انجنیری څانګي د استاد په توګه دنده ترسره کوی. نوموړی مطبوع علمی او تحقیقی اثار لری چی تر دی وخته یی 8 علمی تحقیقاتی ملی او بین المللی آثار چاپ ته رسیدلی.

د څېړنې لارې یا د څېړنې ساحې:

تطبیقی جیودیزی او د جغرافیایی معلوماتو سیستم

مضمونونه (Courses)

د لېسانس دورې درسي مضامین (UG Courses)

4. GE.EG.0837 Cadastre
5. GE.EG.0627 Higher Geodesy 2
6. GE.EG.0839 Gravimetry

د مافوق لیسانس دورې درسي مضامین (PG Courses)

1. M.ES.0101 Engineering Geodesy
2. M.ES.0102 Theoretical Geodesy

اړیکي(Contact)

جیودیزی انجنیری څانګه، جیوماتیک انجنیری پوهنځی ، کابل پولی تخنیک پوهنتون ، افغانستان

ایمیل و شماره تلفون: b.azizi@kpu.edu.af, +799051020

 

 

نوم او تخلص: نصیرالله بی ریاء

محترم نصیرالله بي‌ریا په ۱۳۷۹ لمریز کال کې د پکتیا ولایت د زرمت ولسوالۍ کې زېږېدلی دی او په ۱۳۹۶ لمریز کال کې د غازي عالي لېسې څخه فارغ شوی دی. نوموړي د کانکور ازموینې له بریالي سپرولو وروسته د کابل پولی‌تخنیک پوهنتون د جیوماتیک او کدستر پوهنځي د جیودیزي انجنیري څانګي ته لار وموندله. هغه په ۱۴۰۱ لمریز کال کې خپلې لوړې زده‌کړې د جیودیزي انجنیري په څانګي کې د لیسانس په کچه او په لوړه درجه پای ته ورسولې.

محترم نصیرالله بي‌ریا په ۱۴۰۴ لمریز کال کې د جیوماتیک انجنیري پوهنځي د جیودیزي انجنیري څانګي په علمي کادر کې د نوماند پوهنیار په توګه شامل شو. نوموړي د استادۍ په دوره کې بېلابېل مضامین، لکه د سرویینګ اساسات، عالي جیودیزي، سفیرویډي جیودیزي او د جیودیزیکي وسایلو پېژندنه تدریس کړې ده او دا مهال هم د جیودیزي انجنیري څانګي فعال استاد دی.

د څېړنې لارې یا د څېړنې ساحې:

علوم جیوماتیک، نقشه برداری، د دایمي فعال سټېشنونو په اړه څېړنه (CORS Station)، فوتوگرامتری او تطبیقی جیودیزی

د مافوق لیسانس دورې درسي مضامین (UG Courses)

1. GE.EG.0527 Higher Geodesy 1
2. GE.EG.0627 Higher Geodesy 2
3. GE.EG.0729 Geodesy Spheroid
4. GE.EG.0525 Survey instrument

اړیکه(Contact)

جیودیزی انجنیری څانګه، جیوماتیک انجنیری پوهنځی ، کابل پولی تخنیک پوهنتون ، افغانستان

ایمیل:شماره تلفون:       0793729986         nasirullah.beria@gmail.com

 

 

نوم او تخلص: احمد تمیم سهاک

محترم احمد تمیم سهاک په ۱۳۷۷ لمریز کال کې د کابل ولایت د پغمان ولسوالۍ کې زېږېدلی دی او په ۱۳۹۴ لمریز کال کې د محمد اسماعیل حسنزي عالي لېسې څخه فارغ شوی دی. نوموړي د کانکور ازموینې له بریالي سپرولو وروسته د کابل پولی‌تخنیک پوهنتون د جیوماتیک او کدستر پوهنځي د جیودیزي انجنیري څانګي ته لار وموندله. هغه په ۱۳۹۹ لمریز کال کې خپلې لوړې زده‌کړې د جیودیزي انجنیري په څانګي کې د لیسانس په لوړه درجه بشپړې کړې.

محترم احمد تمیم سهاک په ۱۴۰۱ لمریز کال کې د جیوماتیک او کدستر پوهنځي د جیودیزي انجنیري څانګي په علمي کادر کې د نوماند پوهنیار په توګه شامل شو. نوموړي د استادۍ په دوره کې بېلابېل مضامین، لکه د سروینګ اساسات، Civil 3D، تطبیقي جیودیزي ۱، تطبیقي جیودیزي ۲، تطبیقي جیودیزي ۳، زیرزمینی سروی، رادیو جیودیزي او د جیودیزیکي وسایلو پېژندنه تدریس کړې دي او دا مهال هم د جیودیزي انجنیري څانګي فعال استاد دی.

د څېړنې لارې یا د څېړنې ساحې:

فوتوگرامتری ، تطبیقی جیودیزی ، نقشه برداری او (GIS)

علمی اثار (Publications)

علمی مقالات (Journal Publications)

1. Sahak, Ahmad Shakib, Karsli,Fevzi Karsli, Ahmadi, Karimullah,  Saraj, Mohammad Anwar Saraj, and Sahak , Ahmad Tamim. 2024b. “Geospatial Assessment of Urban Sprawl: A Case Study of Herat City, Afghanistan.” Australian Journal of Engineering and Innovative Technology 51–69. doi: 10.34104/ajeit.024.051069.
2. Ahmadi, Karimullah, Ahmad Shakib Sahak, and Ahmad Tamim Sahak. 2023. “Evaluation of Urban Sprawl and Land Use/Cover Variation Patterns through Remote Sensing Data: A Case Study in Kabul City, Afghanistan.” European Journal of Environment and Earth Sciences 4(6):10–20. doi: 10.24018/ejgeo.2023.4.6.434.
3. Ahmadi, Karimullah, Sahak, Ahmad Shakib, Azizi, Abdul Basir, Saraj, Mohammad Anwar, and Sahak ,Ahmad Tamim. 2024a. “Analyzing Flood Damage and Mapping Flood Hazard Zones Using AHP Model: A Case Study of Pol-e-Alam, Logar Province, Afghanistan.” Australian Journal of Engineering and Innovative Technology 37–50. doi: 10.34104/ajeit.024.037050.

پروژّي (Projects)

1. د مچلغو بند برېښنا، تمویلونکی: د ملي انکشاف شرکت، د پروژې پیل: د ۱۳۹۸ کال پای تر ۱۴۰۰ کال پورې
2. د قوش تپه کانال توپوګرافیکي سروی، تمویلونکی: د ملي انکشاف شرکت، د پیل نیټه: د ۱۳۹۹ کال جدی میاشت

 تر ۱۴۰۰ کال حمل میاشت

3. د زابل توري بند توپوګرافیکي سروی، تمویلونکی: د ملي انکشاف شرکت
4. د خیرخواه الکترونیک کمپلکس ترمیم تطبیق، تمویلونکی: شخصي شرکت، د پیل نیټه: ۱۴۰۰ تر ۱۴۰۱ کال پورې
5. د لسګونو کوڅو او سړکونو سروی، ډیزاین او تطبیق د مختلفو اوږدوالی پروژو، تمویلونکی: UNOPS
6. د هلمند پوهنتون توپوګرافیکي سروی، تمویلونکی: د لوړو زده‌کړو وزارت
7. د بدخشان پوهنتون توپوګرافیکي سروی، تمویلونکی: د لوړو زده‌کړو وزارت

مضمونونه (Courses)

د لېسانس دورې درسي مضامین (UG Courses)

1. GE.EG.0522, Applied Geodesy 1
2. GE.EG.0622, Applied Geodesy 2
3. GE.EG.0722, Applied Geodesy 3
4. GE.EG.0649, Radio Geodesy

اړیکه(Contact)

تلیفون و ایمیل: +93784568560 ، tamimsahak@kpu.edu.af