د الکترو میخانیک پوهنځي د استادانو او کارمندانو د یو کلنې راپور ورکولو غونډه ترسره شوه
غونډه د قرانکریم د مبارکو آیتونو په تلاوت سره پیل شوه.
یاده غونډه د الکترومیخانیک پوهنځي د یو کلنو فعالیتونو د راپور ورکولو په موخه جوړه شوې وه.
په یاده غونډه کې د کابل پولي تخنیک پوهنتون عمومي رئیس ښاغلي پوهنوال دیپلوم انجنیرعبدالرشید اقبال، د کابل پولي تخنیک پوهنتون لپاره د مالي او اداري سرپرست مرستیال ښاغلي انجنیر سید مصباح الدین هاشمي، د پوهنځیو رئیسانو، استادانو، کارمندانو ګډون درلود.
لومړي د دغه پوهنتون د الکترومیخانیک پوهنځي رئیس ښاغلي پوهنمل محمد امین امین ګدونوالو ته د ښه راغلاست ترڅنګ د غونډې اجندا په اړه معلومات وړاندې کړل.
نوموړی د یادې پوهنځي د تاسیس کال، د پوهنځي پر اهمیت، د پوهنځي پرڅانګو، موجوده تشکیل، علمی پروګرامونو، کاري لاسته راوړنو او ورسره څنګ کې یې د دې پوهنځي پر وړاندې پرشته خنډونو بشپړ معلومات وړاندي کړل.
ورپسې د کابل پولي تخنیک پوهنتون عمومي رئیس ښاغلي پوهنوال دیپلوم انجنیرعبدالرشید اقبال د یادې پوهنځي د یو کلنو فعالیتونو او لاسته راوړنو ستاینه وکړه او د لا ښه کار کولو لپاره یې د موجوده وسایلو او تجهیزاتو څخه په ښه ډول کارولو ټینګار وکړ.
همدارنګه د کابل پولي تخنیک پوهنتون لپاره د مالي او اداري سرپرست مرستیال ښاغلي انجنیر سید مصباح الدین هاشمي د اوسنیو شرایطو سره سم د الکترو میخانیک پوهنځي د علمي او اداري کادرنو د فعالیتونو او هڅو په ښه ډول ارزونه وکړه او د شته ستونزو او ننګونو په حل کې يې د هر راز همکارۍ ژمنه وکړه.
مجلس با صحبت های محترم قاضی محمد انس مجاهد آمر منابع بشری پوهنتون پولی تخنیک کابل و دعای خیرخاتمه یافت.
