د لابراتوارونو آمریت د اته ګونو پوهنځیو تکنیشن کارانو او لابرانتانو سره د همغږۍ غونډه ترسره کړه.
غونډه د قرآنکریم د څو مبارکو آیتونو په تلاوت سره پیل شوه.
د کابل پولي تخنیک پوهنتون د لابراتوارونو آمریت د اته ګونو پوهنځیو د لابرانټانو او تکنیشن کارانو په شتون کې سره غونډه جوړه کړه چې هدف یې د لابرانټانو او تکنیشن کارانو لخوا د ربعوار راپورونو وړاندې کول، د استادانو د کورس پالیسیو سره سم د لابراتواري ازموینو وختونو تنظیمول، د محصلینو د ترسره شویو ازموینو د ثبت لپاره د کتابچې تیاری او همدارنګه د لابرانټانو او تکنیشن کارانو د کاري بهیر ښه کول و.
لومړی ښاغلي انجنیر ذبیح الله اسماعیل خیل د لابراتوارونو آمر د حاضرو کسانو هرکلی وکړ او د اجندا مطابق په مختلفو موضوعاتو تفصیل سره خبرې وکړې.
غونډې ته دوام ورکولو سره لابرانټانو او تکنیشنکارانو د ۱۴۰۳ کال د فعالیتونو او ازموینو په اړه راپورونه وړاندې کړل.
په دې ناسته کې د لابرانټانو او استادانو ترمنځ د همغږۍ زیاتولو، د درسي او علمي پروګرامونو سره د ازموینو تطبیق، او د محصلینو د ازموینو د دقیق ثبت لپاره نوې سیسټمونه جوړولو په اړه هم خبرې وشوې.
همدا راز د ۱۴۰۳ کال د سمسترونو د لابراتواري ازموینو راپورونه او د لابرانټانو او تخنیکینانو لپاره د روزنیزو پروګرامونو راپورونه انجنیر سمیع الله رسولی د لابراتوارونو تخنیکي تکنیشن لخوا وړاندې شول.
د یادونې وړ ده چې د دې غونډې اصلي هدف د لابرانټانو او تکنیشکارانو د کاري کیفیت لوړول او د لابراتوارونو د فعالیتونو ښه کول و ترڅو محصلینو ته غوره او اغیزمن خدمات وړاندې شي.
غونډه د دعایې په ویلو پای ته ورسېده.
