د کابل پولي تخنیک پوهنتون د مالي او اداري معاونیت اړوند کمېټو سره مشورتي غونډه ترسره شوه
غونډه د قرآنکریم د مبارکو آیاتونو په تلاوت سره پیل شوه.
په پیل کې د کابل پولي تخنیک پوهنتون مالي او اداري مرستیال ښاغلي مولوي محمد یاسین حقاني ټولو ته د ښه راغلاست وینا وکړه او د دغه پوهنتون د کارونو د لا ښه ترسره کولو او د اړوند کمېټو د چارو د ښه تنظیم په موخه یې هر اړخیزې خبرې وکړې.
ښاغلي حقاني د اجنډا سره سم د خپلو خبرو په دوام کې د يادو کمېټو له غړو وغوښتل، چې د يوې اونۍ په موده کې د کمېټو کاري پلانونه، د دندو لایحه، طرزالعملونه او عملیاتي پلانونه چمتو او راتلونکې ناستې ته یې وړاندې کړي.
د یاونې وړ ده، چې د کمېټو غړو د چارو د ښه تنظیم په موخه خپل نظرونه شریک کړل تر څو په راتلونکي کې ورڅخه ښه استفاده وشي.
غونډه د دعايې په ویلو سره پای ته ورسیده.
