په کابل پولي تخنیک پوهنتون کې د اعتبار ورکولو د اسنادو د ساتلو لپاره د چک لست له مخې د اسنادو د بیا کتنې او چمتو کولو سیمینار تر سره شو

kpu_admin
یکشنبه ۱۴۰۲/۹/۱۹ - ۱۴:۴۰
photo

سیمینار د قرانکریم د مبارکو ایاتونو په تلاوت سره پیل شو.
په دې سیمینار کې د کابل پولي تخنیک پوهنتون مشرتابه، د کیفیت لوړونې کمېټې غړو، د پوهنځيو رئیسانو، استادانو، آمرینو او کارمندانو ګډون درلود.
لومړی د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال د دغه پوهنتون د کیفیت د ښه والي په موخه د کار کولو او د اسنادو د چمتو کولو په اړه خبرې وکړې، ښاغلي اقبال د دي پروسې پر اهمیت، د کارونو په مستند کولو او له اړوندو مسوولینو څخه یې وغوښتل، چې په خپلو ورځنیو کارونو کې لا زیات احتیاط وکړي.
ښاغلي اقبال د دغه سيمينار جوړېدل د کابل پولي تخنيک پوهنتون د کارکوونکو لپاره مهم او ارزښتناک وبلل او له اړوندو مسوولينو څخه يې د دې سيمينار د پيل له امله مننه وکړه.
همدارنګه د کابل پولي تخنیک پوهنتون د کیفیت لوړونې آمریت آمر ښاغلي انجنیر ذبیح الله حیدري د پوهنتون د کیفیت د لوړولو د اړتیا او اهمیت په اړه خبرې وکړې او د اعتبار ورکولو سند ساتلو چک لیست سره سم د اسنادو چمتو کولو په اړه یې تفصيلي معلومات وړاندې کړل.
د سیمینار په دوام کې ښاغلي پوهنمل محمد امین امین د اعتبار ورکولو د سند د ساتلو پر یوولس ګونو معیارونو چمتو شوی پرزنټیشن په تفصیل سره د سیمینار ګډونوالو ته وړاندې کړ.
د یادونو وړ ده چې یاد سیمینار د کابل پولي تخنیک پوهنتون د کیفیت د لوړولو آمریت لخوا دایر شوی وو.

Photo
Photo
Photo
Photo

تازه خبرونه

یکشنبه ۱۴۰۵/۷/۲۶ - ۱۵:۵
Background image

د کابل پولي تخنیک پوهنتون کې د پنځه کلن ستراتیژیک پلان د تشریح په اړه یو ورځنی ښوونیز سیمینار ترسره شو

د کابل پولي ‌تخنیک پوهنتون د پنځه کلن ستراتیژیک پلان د تطبیق څرنګوالي او د ټاکل شویو موخو، لومړیتوبونو او لارښوونو د تشریح او یاد پلان مطابق د کاري پلانونو د ترتیب په موخه، یو ورځنی. . .

سه‌شنبه ۱۴۰۵/۷/۲۱ - ۱۴:۴۰
Background image

د کابل پولی‌تخنیک پوهنتون د علمي ټولنې لپاره د نويو ښوونیزو فرصتونو برابرول

د کابل پولي تخنیک پوهنتون د خپلو محصلانو، استادانو او کارکوونکو د علمي او مسلکي ظرفیت لوړولو او د تخصصي مهارتونو د پراختیا په موخه له یو شمېر ښوونېزو مرکزونو سره د همکارۍ هوکړه‌لیکونه. . .

سه‌شنبه ۱۴۰۵/۷/۲۱ - ۱۴:۱۴
Background image

کابل پولي تخنیک پوهنتون کې د معلوماتي ټکنالوژۍ د وسایلو د ساتنې او سمې کارونې په اړه یو ورځنی سیمینار ترسره شو

د کابل پولي تخنیک پوهنتون د معلوماتي ټکنالوژۍ د وسایلو د ساتنې او سمې کارونې په موخه یو ورځنی پوهنېز سیمینار ترسره شو، چې د دغه پوهنتون د ټولو برخو اداري کارمندانو پکې ګډون کړی وو.

د. . .

BACK TO NEWS

User account menu