د کابل پولي تخنیک پوهنتون د کمپیوتر ساینس پوهنځي استادانو او محصلینو لپاره د "مونوګراف د لیکلو رهنمود" تر عنوان لاندې سیمینار ترسره شو.
د کمپیوټر ساینس پوهنځۍ د مونوګراف کمېټې په نوښت او هڅو، یو علمي سیمینار د "مونوګراف د لیکلو اصولو" تر عنوان لاندې استادانو او د اتم سمسټر محصلینو لپاره تنظیم او ترسره شو.
یاد سیمینار د پوهنځي د استادانو او محصلینو په پراخ ګډون ترسره شو، چې موخه یې د مونوګراف د اصولي، علمي او څېړنیز لیکلو په برخه کې د محصلینو علمي پوهې لوړول وو.
د سیمینار ټول ترتیب او تنظیم د کمپیوتر ساینس پوهنځی د مونوګراف کمېټې مسؤل پوهنیار احمد فواد ژواک او پوهنیار شاهنشاه مومند، احمد جامع کوهستاني او نامزاد پوهنیار اقبال علي سلطاني له خوا په منظم ډول ترسره شو.
دوی خپل ارزښتناک نظریات او علمي تجربې د پرزینتېشن له لارې له محصلینو سره مؤثر ډول شریکې کړې.
سیمینار د ګډونوالو پوښتنو په ځوابولو او د دعايې په ویلو سره پای ته ورسېد.
