د کابل پولي تخنیک پوهنتون مالي او اداري مرستیال له اداري کارمندانو سره مشورتي غونډه تر سره کړه

غونډه د قرانکریم د مبارکو آیاتونو په تلاوت سره پیل شوه.
د کابل پولي تخنیک پوهنتون مالي او اداري مرستیال ښاغلي مولوي محمد یاسین حقاني د اړوند آمریتونو او څانګو د کارونو د ښه تطبیق په خاطر له ټولو کارکوونکو وغوښتل، چې خپلې دندې په پوره صداقت او امانتدارۍ سرته وه رسوي، تر څو د اسلامي نظام، خلکو او هیواد لپاره د خدمت جوګه وګرځي.
نوموړي زیاته کړه: په ورځنیو چارو کې همغږي، صداقت، د حاضرۍ مراعات، له مراجعینو سره ښه چلند، په همکارانو شفقت او په اداري کارونو کې د سلسله مراتبو رعایت کول نه یوازې د کارونو د پرمختګ سبب ګرځي بلکې دا غوره اسلامي او شرعي تګلاره ده.
همدارنګه ښاغلي حقاني له ټولو کارکوونکو څخه وغوښتل، چې په دفتر کې د مکتوبونو، وړاندیزونو او نورو رسمي اسنادو په لیکلو او طی مراحلو کې له ډیر احتیاط او غور څخه کار واخلي.
غونډه د دعایې په ویلو سره پای ته ورسیده.