د کابل پولي تخنیک پوهنتون د محصلینو لپاره د ( سوانح لیکلو ) تر عنوان لاندې سیمینار جوړ شو
سیمینار د قرانکریم د مبارکو آیاتونو په تلاوت سره پیل شو.
لومړی د کابل پولي تخنیک پوهنتون د محصلینو د خدمتونو او انسجام آمر ښاغلي سید عین الله هاشمي د محصلینو ګډون ته د ښه راغلاست وینا ترڅنګ پیلیزه وینا وکړه.
نوموړي د سیمینار د محتوا او د هغه د اهمیت په اړه خبري وکړې او ژمنه یې وکړه چې په دې برخه کې په لا زیاتې هڅې کوي.
یاد سیمینار به دوه ورځې دوام وکړي، چې درسي چاري به یې د کابل پولي تخنیک پوهنتون د ساختماني پوهنځي د استاد ښاغلي پوهنیار بريالي سيمون له خوا پر مخ وړل کیږي.
د یادونې وړ ده، چې یاد سیمینار د کابل پولي تخنیک پوهنتون د محصلانو چارو معاونیت له خوا جوړ شوی او ۱۲۰ محصلینو په کې ګډون کړی و..
